Најнови написи, вести, анализи, рецензии и практични совети за Друштвени мрежи. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Foursquare за iPhone апликацијата сега има опција за додавање фотографии и коментирање. Двете опции, заедно со страната за историја за сите места на кои корисникот бил, се опции кои сега ќе можат да го направат поатрактивен сервисот за локација, кој од неодамна има над 5 милиони корисници.
На Facebook 500-те милиони корисници секоја минута споделуваат над 50 илјади линкови. Тоа е неверојатно количество на информации. Додадете ги над 66.000-те тагирања на 135.000 фотографии закачени секоја минута, скоро 80.000-те „среќен роденден“ постови, и над 98.000 одобрени пријателства секоја минута, и добивате јасна слика колку ни е важна комуникацијата. И зошто Facebook е толку голем.
Facebook на својот блог го тестира новиот систем за коментирање. Ако отидете на, пример, блог постот за препознавање на лице при тагирање, најдолу ќе го приметите новиот систем за коментирање. Отвореното тестирање сугерира дека набргу ќе биде и имплеменитерано на корисничките профили и фан страните.
Случајно, некои Facebook корисници добија пристап до нови прототип опции и сервиси на друштвената мрежа. По четириесетина минути од објавување на новите опции Facebook го изгаси сајтот, ја врати првобитната верзиjа и се извини за изгасеното време. Но, четириесетина минути се доволно време за да се кликне „print screen" и да се дознае за новите фан страни, интерфејсот за фотографии и за опцијата „Мемории“ за прегледување на севкупните активности на корисникот од приклучување на мрежата.
Новите „сугестии за тагирање“ на Facebook која ќе стартува во наредниве месеци автоматски ќе им предложува на корисниците кого да означат на фотографијата користејќи технологија за препознавање на лице.
Тwitter го редизајнираше business.twitter.com, сајтот каде може да се најдат основите за како бизнисите можат да го искористат Twitter за своите промотивни цели, и вклучи опција за купување на рекламни твитови.
Twitter покрај топ трендовите и топ нови твитерџии во 2010-та година, објави и листа на најмоќни твитови за оваа година.
Неверојатно е што во 2010 година се испратени 25 милијарда пораки. Тоа се 68 милиони твитови дневно или 2.8 милиони твитови на час, односно над 47 илјади твитови секоја минута!
Како изгледа светот според друштвените мрежи? Еве едно навестување: ако е нација, Facebook со над 500 милиони корисници ќе биде на трето место, само под огромните Индија и Кина.
Facebook воведува дополнителни опции за заштита на приватноста преку мобилното користење на друштвената мреажа. Опциите ќе овозможат подетален преглед на споделените информации преку различни апликации и веб сајтови, и можност за контролирање на пристапот до тие информации од страна на апликациите, исто како што е достапно и на десктоп Facebook во менијата Applications and Websites од опциите за приватност.
Од објавувањето на доверливите документи, контроверзниот сајт Wikileaks стана доста споменувана тема на Twitter, но ознаките со која се бележат пораките за #wikileaks или #cablegate никогаш не се појавиja во листата на трендови што привлече критики дека Twitter го цензурира промовирањето на темата, исто како што други сервиси престанаа да го опслужуваат Wikileaks.
Друштвената и чудна игра Pet Society во која Facebook корисниците чуваат виртуелни миленичиња со свои куќички, облека и мебел продава 90 милиони виртуелни предмети дневно!, открива Себастиен де Галеус, ко-основач на Playfish, на LeWeb конференцијата.
Кога Facebook ги стартуваше новите профили нагласи дека под краткото, воведно инфо ќе има неколку најново тагирани фотографии бидејќи „ништо не го објаснува човекот како фотографиите“.
Марк Закерберг во интервју за „60 минути“ објасни дека низ целата Facebook канцеларија се појавува зборот „хак“ и се одржуваат „хак-маратони“ затоа што, Закерберг вели, „да кажеш некого хакер е комплимент, хакнување за инженерите значи да се промени нешто за многу брзо време, за еден вечер да смениш многу линии код и на крај да добиеш продукт“.
Facebook ги редизајнираше профилите. Новиот изглед ги преместува табовите во лев страничен бар, а на нивно место сега се воведни кратки информации за личноста зад профилот, односно кратко инфо со локација, образование, работа, линк од веб страна, врска и уште по некој детаљ.
Zynga ја објави CityVille, најновата друштвена игра која наликува на мешавина од популарната со 60 милиони играчи месечно FarmVille и познатата SimCity. Во CityVille играчот води свој град, на почеток само соседство за потоа да стане метропола, преполна со продавници, бизниси, декорации, граѓански сервиси...
Ако имате 300 пријатели на Facebook или друга друштвена мрежа, 30 од нив ќе бидат роботи, вели компанијата за ИТ анализа Gartner во својот нов извештај за предвидувања на идни трендови во информатичката технологија.
Друштвените мрежи во моментов се мали, меѓу најпопуларните се Gowalla која има над 600.000 корисници и Foursquare кој има близу 5 милиони. Иако мали сепак идејата за споделување локација ги привлече и големите, пред некое време Facebook го стартуваше Places за споделување локација со пријателите, претејќи да ги згази помалите локациски мрежи со своите над 500 милиони корисници.
Интересниот инфографик на Flowtоwn покажува како мобилните телефони станаа потребна секојдневна алатка за комуникација. Дневно на Facebook преку мобилен телефон пристапуваат над 100 милиони корисници кои се два пати поактивни од десктоп корисниците. Преку малиот, но моќен уред блогираме, твитаме, закачуваме слики и видеа, сурфаме... Како што мобилните телефони стануваат мини компјутери поврзани со светот така се менува и перцепцијата за комуникација. Стануваме мобилни.
Македонскиот Twitter директориум 140.мк ги објави 11-те категории за #140mknagradi-те. Корисниците ќе имаат можност до 07.12 да ги номинираат кандидатите, ќе може да се номинира повеќе пати и повеќе твитерџии со @корисничкоиме во една категорија.
