Тwitter го редизајнираше business.twitter.com, сајтот каде може да се најдат основите за како бизнисите можат да го искористат Twitter за своите промотивни цели, и вклучи опција за купување на рекламни твитови.
GoogleOS блогот пишува дека Google постемено го стартува новото мулти-логирање. Опцијата овозможува да се логирате со повеќе профили преку истиот прелистувач. Пример, да си отворите личен Gmail и тој што го користите службено. Мулти-логирањето ќе може да се употреби за Gmail, Google Calendar, Reader, Docs, Google Sites и Google Code, но се очекува да бидат додадени и останатите сервиси.
Друштвената мрежа додаде опција за комплетно да се избрише профилот и сите информации кои се споделени. Delete аccount е додаден под Deactivate my account опцијата која се наоѓа во Account Settings менито. Најдоле на менито за деактивирање ќе ја најдете опцијата да го избришете профилот.
