И Panasonic претстави свој таблет компјутер на на овгодинешниов Consumer Electronic Show. Viera таблетот, како и многу други, работи на Android оперативниот систем, ќе биде достапен во 4, 7 и 10-инчна (25cm) големина и ќе има LCD дисплеј.
Претходно се бараше прецизно уредување на сликите за да се хакнат петте фотографии со цел да се добие интересен и креативен Facebook профил, сега тоа може да го направите на поедноставен начин со апликацијата на Schweppes или Profile-Maker.
Drupal ја објави верзија 7 на својот бесплатен и слободен софтвер за менаџирање на содржина на веб сајтови (CMS). Изработен во PHP и дистрибуиран преку GNU GPL лиценцата sофтверот зсе користи од 1% од сите сајтови на Вебот, од лични блогови до Белата куќа, data.gov.uk и други релевантни организации.
Компанијата BitTorrent објави интересна статистика дека 100 милиони корисници активно го користат нивниот софтвер, како BitTorrent Mainline и µTorrent. Овие програми го користат BitTorrent протоколот за брзо пренесување на големи количества податоци преку децентрализираната peer-to-peer мрежа, каде податоците се одделени на мали делчиња и секое се пренесува преку различни „peers“, наместо симнување од еден извор/сервер што може да биде поспоро поради преоптоварување на тој сервер во смисла на интернет сообраќај или физички капацитет.
Таблет компјутерите се овогодишните ѕвезди на CES 2011 конференција, а ASUS ги претстави првите, односно претставија 4 нови таблети со различна големина од кои два имаат одвоена не-на-допир физичка тастатура.
Google планира дигитален киоск за Android корисниците, пред се тие со таблет компјутери, да можат да си купуваат и читаат дигитални верзии од големите и популарни магазини и весници, конкурирајќи му на Apple кој го има iPad и Amazon со Кindle, пренесува Wall Street Journal.
Mozilla Firefox е најкористениот веб прелистувач во Европа, со над 38 отсто од пазарот, надминувајќи го за прв пат Internet Explorer, прелистувачот на Microsoft, кој има 37 отсто, според статистиката на StatCounter.
<Надополнето 03.01.11>Wikipedia, онлајн енциклопедијата која за 15 дена полни 10 години, успеа за најкратко време до сега да ги собере донациите од вкупно 16 милиони долари кои ќе дозволат онлајн енциклопедијата да продолжи да функционира без потреба од други извори на пари, пред се реклами.
IT.com.mk ви посакува Среќни празници и Среќна нова 2011 година, во која не очекуваат уште неверојатни ИТ уреди и неверојатни ИТ сервиси кои ќе направат неверојатна ИТ револуција. Само погледнете се што се случи во 2010-та и ќе стане јасно дека информатичко-комуникациската технологија е во постојано движење напред рекреирајќи го навикнатото секојдневие во нешто ново и интересно.
Coolendаr е веб календар кој е толку едноставен за користење што не мора да кликате по датуми и време, туку само внесувате една линија текст и кликате на копче. Во пракса, помалку од 30 секунди работа со два клика.
Европската комисија ги одреди техничките спецификации за универзален мобилен полнач на батерии за сите мобилни уреди кои ќе се продаваат во Европа почнувајќи од првите месеци на 2011 година. Оваа барање беше поддржано од 14 компании меѓу кои се Apple, Motorola, Nokia, RIM, Samsung, Sony Ericsson, Alcatel...
Facebook стана најпосетуваниот сајт во САД, надминувајќи го Google, се вели во истражувањето на Experian Hitwise. Скоро 8.93% од сите посети во САД од јануари до ноември 2010-та припаѓаат на Facebook, наспроти 7.19% посети за Google.
Skype овозможи видео повици на Apple-овите iOS уреди со новата 3.0 верзија на апликацијата. За разлика од Apple-овото Face Time кое е видео повици меѓу iOS уреди, Skype овозможува видео комуникација меѓу iOS уредите и декстоп компјутери што е одлична опција за сите корисници да бидат во контакт. Повиците можат да се остварат преку Wi-Fi и 3G, а видеото поддржува портрет и пејсаж (landscape) гледање.
Милиони корисници беа оставени на цедило откако популарниот VoIP сервис Skype се сруши и не беше достапен скоро 24 часа. Сега Skype излезе со објаснување велејќи дека проблемот настанал поради грешка во Windows верзијата по што следувале неколку последователни проблеми, за на крај да се сруши.
Tor мрежата, која нуди oнлајн анонимност, е симнат над 36 милиони пати во 2010-та година, и дневно се користи од 150 до 300.000 корисници.
Група истражувачи од Институтот за креативни технологии при Универзитетот од Јужна Калифорнија го хакна Kinect за да може да ги користат движењата на телото за да играат World of Warcraft.
Најверојатно е дека на Android пазарот на апликации за брзо време ќе има 200.000 мобилни апликации, според неофицијалната статистика на AndroLib. Тоа што е неверојатно е што само пред два месеци за Android имаше само 100.000 апликации, на Android му требаше две години да стигне до таа бројка. Сега за само два месеци таа бројка се дуплираше.
МixAR е интересна iPhone апликација со која може да се едитира проширената реалност, односно секој корисник може да си прави свои виртуелни 3Д модели и да ги отсликува на други површини користејќи маркери. МixAR се уште не е готова, моментално е ставена на Kickstarter, сајт каде што корисниците донираат пари за разни проекти, но е доста интересна и практична идеја.
Секој седми србин е член на форумот Burek, доколку се спореди нивната бројка на членови според популацијата на Србија. Ова е неверојатно достигнување за деветгодишниот форум каде се информира и дискутира за сите можни теми поврзани со секојдневието во Србија и светот.
Празници се, Нова година, а потоа и Божиќ. Пола Македонија е на Facebook каде ќе се споделуваат честитики, слики и импресии од празниците. Сигурно ова, ќе се согласите, е одлична шанса да го рекламирате својот локален бизнис, продукт или услуга на огромна публика зависно од буџетот.
