Низ годините, крај на училишната година стана синоним за непреспиени ноќи и серија од главоболки помеѓу наставниците. Цела недела како е-дневникот поставен на ednevnik.edu.mk е едвај функционален затоа што сите наставници се трудат да ги внесат оценките за крајот на годината. Од друга страна, бројни родители го оптоваруваат системот за да се информираат за оценките на нивните деца.
Како директен резултат на сево ова, повторно се најдовме во истата ситуација како и претходната година. И годината пред таа. И уште шака години пред тоа…. Сајтот или нема да ви дозволи да влезете, или ќе влезете, но вчитувањето ќе е болно споро. Или пак, сајтот ќе симулира долго вчитување се додека не се појави следнава порака.
Пркосна хибернација
Назависно од техничките причини кои стојат зад сево ова и наставниците и родителите се исфрустрирани затоа што нормалното време за извршување на овие операции е десеткратно зголемено, а често и не ги сочувува податоците, односно внесувањето на оценките. За крај, неуморно спречува увид во внесеното од трети лица.
За одредени наставници чии предмети се на втората страна од приказот, воопшто не може да се добие пристап и сајтот автоматски ве поздравува со белата површина и грешката при вчитување. Поради тоа, одредени класни раководители или одат од наставник до наставник и ги собираат податоците или пак прават табели во excel па ги споделуваат и замолуваат наставниците тука да ги внесат оценките. Работа врз работа.
Паралелно на ова, родителите кои не можат да добијат увид во оценките телефонски ги бараат класните раководители и поставуваат прашања за кои се непознати одговорите. Имено книжен дневник со години е укинат, а писмената евиденција е целосно заменета со електронската.
од Andrea Piacquadio, pexels.com
Би било убаво еднаш засекогаш да се реши проблемот со е-дневникот, но по се изгледа ни оваа година не се наоѓа решение и наставниците и понатаму практикуваат будење во рани утрински часови и внесување на оценките кога серверите не се оптеретени. Е-дневникот подобро функционира во три часот наутро, но да се надеваме дека нема уште долго време да се практикува станувањето во ниедно доба.
На тема е-дневник досега пишувавме во повеќе наврати:
Loading new replies...
Приклучи се на дискусијата на IT.mk | Форум →