Како што се повеќе корисници се „закачуваат“ на Интернет, така веб сајтовите ќе забележуваат се поголеми посети и користеност, посебно огромните интернет компании како Googlе кој стана првата компанија која забележа 1.009.699.000 посетители на своите веб сајтови во мај, според comScore, компанија која следи веб податоци.
Иако Instant пребарувањето овозможува брзо прикажување на резултати и сочувува „2 до 5 секунди од вашето време“, но, сепак на Google, секогаш опседнати со брзината, ова е споро, бидејќи на крај е потребно пак да се кликне линкот и пак да се чека да се отвори сајтот. Затоа Google ја претстави Instant Pages, што е опција која ќе ги подготви најревелантните резултати во позадина додека пребарувате со цел да се отворат инстантно кога ќе ги кликнете.
Одлично! Конечно! Вака набрзина би ја опишал новата опција на Google која овозможува „да пребарувате со слики наместо со зборови". Oва не е разгледување слики како резултати, туку користење слика како клучен збор за да се добијат резултати поврзани со таа слика.
Google претстави пребарување со гласи за десктоп корисниците. Со кликање на малото микрофонче само е доволно да се изговори клучниот збор и Google ќе го прикаже резултатот. Опцијата во моментов е само за англискиот јазик, од кој содржи 230 милијарди клучни зборови од претходни пребарувањa.
Кампањата со spear phishing и злонамерен софтвер, која ги таргетирала американските службеници, кинески активисти и службеници од азиски земји кои користат Gmail, потекнува од Џинан, град во Кина. Но, Кина негира дека е вмешана во пробивањето на Gmail сметките, додека ниту Google nе ја обвинува Кина бидејќи е лесно да се замаглат трагите на Интернет.
Некои корисници на iPhone и iPad уредите ќе забележат нов, редизајниран google.com, каде покрај пребарувањето се истакнуваат сите други сервиси на Google како Images, Places, News, Shopping... како што може да се види од скриншотот погоре на phoneArena.
Луѓето во просек проаѓаат по 3 часа дневно на Facebook, но, секако, 2 часа и 55 минути од тоа време се трудат да ги сфатат опциите за приватност, му се смее Google на Facebook на College Humor дружба меѓу сите друштвени мрежи: Twitter, Foursquare, Reddit, Friendster, LinkedIn... и секако MySpace кој го извлекува подебелиот крај. Секако се работи за шега, анимирано видеo од хумористичниот, сатиричен и секогаш забавен College Humor.
PayPal поднесе тужба само ден откако Google го претстави својот мобилен „паричник“, велејќи дека Google им ги украл тајните за мобилното плаќање. Ова се однесува на Осама Бедиер, поранешен извршен директор во PayPal кој сега работи во Google на мобилно плаќање. Тој е обвинето од PayPal дека споделил доверливи информации, заедно со Стафани Тиленус, уште една екс-PayPal директорка која го прекршила договорот кој го направила при напуштањето со PayPаl да не врабутањува луѓе од таа компанија.
Скоро сите, 99 отсто од Android телефоните пропуштаат податоци преку кои можат да се извлечат личните кориснички информации, откриваат германски безбедносни експерти кои истражувале како Android собираат приватни информации.
Bing, интернет пребарувачот на Microsoft, го додаде Facebook Like копчето покрај своите резултати. Ова е директен одговор на новата Google +1 опција за споделување, со која Google всушност требаше да започне да ги користи своите друштвени „слоеви“ и да стане конкурент на Facebook. Но, сега не само што треба да се грижи за друштвенот Facebook туку и за пребарувачот Bing кој сега стана многу поинтересен за користење. Секако, Google се уште е супериорен на пазарот на пребарување, во Македонија над 95% од корисниците го користат, па можеби и не е толку лошо да има посериозна конкуренција.
Facebook тајно најмил ПР агенција да шири лаги за Google, пишува Daily Beast. Поранешен новинар на CNBC, Џим Голдман, кој сега работи како ПР претсавник во Burson Marsteller се обидувал да продаде приказна на блогери и новинари за Gmail Social Circle кој наводно ќе ја наруши приватноста на милиони корисници, ветувајќи им на блогерите дека ако ја истражат приказната ќе бидат објавени во влијателни медиуми.
Ice Cream Sandwich, најновата 2.4 верзија на мобилниот оперативен систем Android, ќе се обиде преку алатки за програмерите да го реши проблемот со фрагментацијата на платформата, кој е расфрлена на над 300 разни Android уреди кои користат разни верзии од оперативниот систем.
По 400.000 Android телефони се активираат секој ден, вели Android тимот на Google на I/O конференцијата која е во тек.
Започнува Google I/O конференцијата каде се очекува гигантот да го претстави својот музички сервис во облакот, како и неколку новини околу мобилната Android платформа. Конференцијата ќе трае денес и утре, среда, а сите клучни говори и претставувања ќе одат во живо на YouTube.
Apple стана највредниот бренд во светот со 82 отсто раст во вредноста која сега е над 153 милијарди долари, надминувајќи го Google кој четири години беше на првата позиција.
Microsoft, Google, Facebook... сите три гиганти се кандидати или да го купат Skype или, што е поверојатно, да инвестираат и да започнат сериозна соработка со VoIP сервисот. Ова се во моментот шпекулациите кои кружат низ Интернет, започнувајќи со Reuters кој според извори блиски до компанијата вели дека Skype е во преговори со Facebook и Google, и сега продолжувајќи со GigaOm кој вели дека и Microsoft е вмешан во целата ситуација и дека треба да се очекуваат детали наскоро.
Некои корисници, кои се во случајниот тест избор, ќе можат да приметат дека страната со резултати на Google има нов изглед, односно ќе видат попразна страна со повеќе простор меѓу линковите од резултати каде истите се со минимални информации. Поради повеќе празното место, сега има и помалку резултати на една страна. Можеби конечно Google ќе не натера да прегледаме повеќе од една-две страни од резултатите.
Google објави нова единаеста стабилна верзија на својот прелистувач Chrome која овојпат доаѓа со опцијата за внесување на говор преку HTML. Пример, може да се преведе тоа што ќе му го кажете на Google Translate со кликање на микрофонот во долниот ќош. Моментално оваа опција е само за преведување од англиски на друг јазик, и иако е забавна сепак ќе треба мала прецизност во изговарањето.
Минатата недела беше откриено дека iPhone ја собира локацијата на корисникот. Подоцна ваква пракса на складирање на локацијата беше најдена и во Android, кој скоро на ист начин како и iPhone ги собира локациите, открива шведскиот програмер Магнус Ериксон. Android собира информации за локацијата од најблиските 200 Wi-Fi мрежи на кои што наидува и прави листа од 50 места. Кога таа листа ќе се исполни локацијите се бришат, првин најстарите, што е различно за iPhone кој чува локација од скоро година дена. Исто така поразлично од iPhone е што на Android е малку потешко да се дојде до фајлот со локациите, додека кај првиот тој фајл не е заштитен ниту енкриптиран.
Facebook станува огромен. Стана секојдневно место за најновите информации и влијателен фактор дури и за претседателот на САД да ја стартува својата кампања на друштвената мрежа чие Like копче, претставено пред скоро година дена, се наоѓа на 2.5 милиони веб сајтови.
