LinkedIn Today е нова алатка на бизнис мрежата која ви доставува вести, блог постови и други информации кои се најпопуларни меѓу бизнис луѓето кои ги следите и кого тие следат.
Hootsuite, сервис за менаџирање на друштвени сервиси како Twitter и Facebook, ја стартуваше Hootsuite Social Analytics алатката за друштвена анализа.
Waiting room e апликација за Facebook која во овозможува наместо да седите мирно и тивко и да чекате вашиот избраник или избраничка да си го вратат статусот слободни, да им објавите дека вие всушност сте таму некаде и чекате знак да ги одведете во подобар живот. А како ќе знаат дека сте таму? Па, вие ќе бидете во „чекалната".
Сега Facebook копчињата Like или Препорачај, поставени на надворешни веб сајтови, ја прават истата функцијата како копчето Share при споделување содржина. Отсега наместо само една кратка линија од текст со линк на вашиот ѕид каде пишува дека нешто ви се допаднало, сега ќе се појави сликичка од текстот, целосен наслов и воведниот текст. Веднаш откако ќе стиснете Like ви дава опција и да додадете свој коментар на линкот кој ќе се објави на вашиот ѕид, како на сликата погоре.
Ако има популарен локален настан, тогаш очекувајте да има и дискусија на друштвените мрежи, посебно на Twitter каде има се повеќе македонски твитерџии кои секогаш започнуваат интересни дискусии со секогаш забавни коментари, секогаш со огромна доза на хумор и сатира.
Македонската Foursquare заедница организира обид за Swarm значката за која е потребно да се соберат 50+ луѓе на едно место. Собирот ќе се случи меѓу 13 и 16 часот во ТЦ Рамстор во сабота, на 26.02.2011, а е организиран од 365.com.mk од чиј профил почна и дискусијата за да се собере значката.
Кај нас и во светот, социјалните медиуми се се почест избор во време на кризи било да се политички или природни. Сите бевме сведоци на последните случувања во Египет и употребата на социјалните медиуми во сета таа ситуација, предходно видовме како вестите за земјотресот во Хаити се ширеа масовно, a има уште вакви ситуации кои покажуваат како виралната информација се шири низ мрежите.
Повеќето имаат голем број на пријатели на Facebook за кои и не сакаат да добиваат информации постојано, но и не сакаат да ги отстранат од листата. Затоа Facebook овозможи опција за филтрирање на пријателите кои сакаме и не сакаме да ги читаме. Опцијата ќе ги скрати информациите кои ги добивате на News Feed страната, со што ќе ги истакне тие пораки според активноста на пријателите со кои најмоногу комуницирате.
Револуцијата во Египет беше дел од сите наши животи преку медиумите и преку друштвените мрежи. Слушавме, читавме и гледавме како се борат за своите права, гледавме и како најпосле ја најдоа својата радост. Она што беше специфично за оваа револуција беше улогата на социјалните медиуми во целата ситуација, и нивната улога беше клучна.
Layers е нова веб апликација за Chrome која ви ги персонализира и листа најновите информации од Facebook и Twitter, како и од RSS каналите на други веб сајтови. Layers e налик на агрегатор или RSS читач, но стилизирана и елегантна апликација.
На Twitpic, популарниот сервис за закачување фотографии и нивно споделување нa Тwitter, од сега ќе може да закачувате и видеа, што е логички чекор напред за сервисот кој има, според основачите, над 17 милиони корисници и дневно додава по 30.000 нови корисници.
Американската Централната разузнавачка агенција (CIA) додаде друштвени елементи на својот веб сајт, додавајќи линк до својот YouTube канал, односно линк до новиот профил на сервисот за споделување фотографии Flickr, претстави верзија за деца со видео турнеја низ својот штаб.
Кога Facebook го славеше својот 6-ти роденден имаше 350 милиони активни корисници, од кои македонци беа 550.000. Сега по само за една година, дополнителни 150-200 милиони корисници се приклучија на мрежата, од нив има нови 271.340 македонци Facebook корисници.
Тоа што Myspace и официјално е ставен на продажба не е и некое големо изненадување. Во изминатата година, News Corp. повеќепати изјавија дека имаат загуби од оваа некогаш толку популарна друштвена мрежа.
Facebook претстави две нови опции за безбедност и заштитување на профилот. Се чини никој не ми кажал за опциите на основачот на мрежата Марк Закерберг, чија фан страна беше пробиена истиот ден кога се претставија и новите опции.
Facebook и Тwitter се блокирани во Египет каде има демонстрации против Хосни Мубарак, кој владее со земјата уште од 1981 година. Според извештаите, организаторите на најголемите протести во последниве години во Египет ги користеле друштвените мрежи за да споделуваат инструкции за како да се избегне полицијата. Како и во Тунис претходно, повици за протести имаше и на Facebook и Twitter каде 90.000 луѓе се пријавија дека ќе бидат присутни, пишува Associated Press.
Како што Apple ги прегледува сите пријавени апликации, така тоа треба да го прави и Facebook решавајќи го проблемот со пристап на „затворена градина“, бидејќи така пола милијарда корисници ќе бидат побезбедни, вели безбедносната компанија Sophos во својот годишен безбедносен извештај (.pdf).
Pingdom објави интересна статистика за се што се случуваше на Интернет во 2010 година, од пратени имејл пораки до користење на сервери и колку фотографии се закачуваат на Flickr. Неверојатно е што за само една година се достигнуваат огромни бројки во комуникацијата и споделување на содржината на скоро 2 милијардата интернет корисници. Еве што вели Pingdom:
BBC на македонски објави интересен текст за како 10 отсто од учесници на анкета рекле дека ќе ја слават Нова година на Facebook. Десет отсто од 800.000 корисници значи дека ќе биде добра журка!
