Овој викенд ви препорачуваме да се подружите со зомби чудовиштата во roguelite или top-down shooter форма, да навлезете во невообичаена survival игра или пак да решите предизвикувачка загатка-две! Но тоа не е сѐ…
Неделава пишувавме и за многу други игри, така да дефинитивно прочитајте и за:
- Интервју со Springfox Games за нивната игра Nif Nif
- Knock on the Coffin Lid е мрачен roguelite заснован на механики со карти
- Собирајте слатки суштества и спасете свет во Creatures of Ava
- Kena: Bridge of Spirits набргу излегува и за Xbox
- The Star Named EOS е кратка игра со преубави цртежи и предизвикувачки загатки
- Прониклив разговор со тајванското студио BearBone за Minds Beneath Us
- Детален преглед за Avatar: Frontiers of Pandora
- Cats on Duty е интересен хибрид помеѓу Bejeweled и Plants vs. Zombies
Zombie Admin е игра во која вршите администраторски задачи. И убивате бројни зомби чудовишта
Zombie Admin е игра со едноставен, но невообичаен концепт. Тоа што зомби апокалипсата растура на сите страни, не значи дека треба да се престане со работа. Како административец во сметководителска компанија, ќе биде потребно да вршите најразлични секојдневни обврски додека убивате бранови од зомби чудовишта.
За време на работниот ден, ќе треба да ставате хартија во еден принтер, а да менувате тонер на друг, да одговарате на пораки или да извршувате дополнителни администраторски работи. Овие активности се расфрлани низ различни места во канцелариите, а ваша задача е да ги пронајдете и да сте во нивна непосредна близина за да автоматски се комплетираат истите. Во вистинскиот живот, овие работи знаат само да бидат болно здодевни, но во Zombie Admin, принудени сте да избегнувате и уништувате најразлични зомби чудовишта за време на таквите активности.
Zombie Admin е солиден top-down шутер во кој користите пет оружја за сеење апсолутен хаос. Нема никаква интелигенција во непријателите – едноставно живеат само за да ве гушнат. Доколку барате брза, динамична и евтина забава, Zombie Admin е одлична разонода. Не заборавајте само често да пиете кафе и да одите во тоалет за можете да работите со подобрена продуктивност (совет кој вреди и надвор од играта). :)
Повеќе детали за играта
- Произведува: Hastily Assembled
- Издава: Hastily Assembled
- Жанр: top down shooter
- Платформа: Microsoft Windows
- Излезе на: 13 јануари 2023
Mists of Noyah излезе и за PS4
Mists of Noyah e RPG игра која се труди да постигне многу, но успева малку. Како co-op игра со survival елементи, чедото на Pyxeralia ви дозволува да истражувате дводимензионален свет и, играјќи со пет уникатни херои, да се спротивставувате на суштества кои се различни во зависност од тоа дали е ден или ноќ.
Во Mists of Noyah непријателите константно се појавуваат од сите страни. Но, за време на денот собирате најразлични ресурси и барате бројни луѓе. Кога ноќта ќе падне, предизвикот при истражување е значително поголем и се охрабрува да градите најразлични кули, да се координирате со луѓето што сте ги спасиле и да се браните од напади.
Mists of Noyah се одликува со над 10 уникатни биоми, бројни квестови, зандани и настани, како и можности за занимавање со земјоделие, градење, крафтање и имање следбеници. На располагање имате и мрежен режим кој е одличен за заедничко спротиставување со бројните босови. Ние ја тестиравме PS5 верзијата и, иако наидовме на неколку проблематични багови, сепак успеавме пријатно да бидеме изненадени од играта и од имплементираните системи.
Повеќе детали за играта
- Произведува: Pyxeralia
- Издава: Pyxeralia
- Жанр: survival RPG игра
- Платформа: Microsoft Windows, конзоли
- Излезе на: 25 јули 2024, за PS4
SokoLab излезе и за Xbox
SokoLab e игра која произлегува од Sokoban универзумот. Се работи за едноставен дизајн кој бара многу размислување за да се решат бројните загатки кои се поврзани со туркање блокови кон одредени цели.
Во SokoLab почнувате лесно само за да можете да ги научите основните механики на движење и туркање на блоковите. Но, подоцна, тежината зазема нерационална форма и бара од вас одлично разбирање на логиката која се воведува во играта со бројните дополнителни механики и елементи. Кој би кажал дека туркањето блокови бара интелектуална сила, а не физичка?
Повеќе детали за играта
- Произведува: Afil Games
- Издава: Afil Games
- Жанр: загатки
- Платформа: Microsoft Windows, конзоли
Бонус игрa – Velev
Како интересна игра која допрва ќе излезе, би можеле да ја проверите Velev! Се работи за RPG игра која имплементира PvPvE механики за борење, стратешко организирање и заедничко напредување, истражување и екстракција.
Velev ветува интересни MOBA забава со бројни, уникатно осмислени херои и корисен плен кој може да биде ваш само доколку успеете успешно да ја завршите мисијата. Иако играта ќе излезе дури во 2025 година, би можеле да побарате да ви се даде ран пристап преку опцијата Request Access од официјалната Steam страна на играта.
Повеќе детали за играта
- Произведува: Chaf
- Издава: Chaf
- Жанр: PvPvE
- Платформа: Microsoft Windows
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
одлични се гифовите со гејмплејот