Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
Од 00.00 оваа вечер (со мало задоцнување) започна гласањето за IT.com.mk Награди 2010. Објавени се сите кандидати кои се најдоа во Листата на номинирани и кои беа пријавени во првиот циклус од Наградите, кој траеше од 1-ви ноември до 10-ти декември. Пријавени се повеќе од 220 кандидати во 3 #mkwin и 1 #mkfail категории, од […]
Како изгледа светот според друштвените мрежи? Еве едно навестување: ако е нација, Facebook со над 500 милиони корисници ќе биде на трето место, само под огромните Индија и Кина.
Google го објави Google Ads for Global Advertisers сајтот на кој се објавени совети и алатки за како локален бизнис да може да си ги преведе рекламите и сајтот со цел тој локален бизнис да се прошири и на странските пазари.
Европската конференција за технологија Le Web покрај разните интервјуа со истакнати личности од ИТ индустријата, одржува и стартап натпреварување за најдобрите и најоригиналните почетнички компании и проекти.
Facebook хакерскиот куп е натпреварување за сите програмери, инженери и развивачи ширум светот кои ќе треба да решат алгоритмички-базирани проблеми во неколку рунди.
Google ги објави најпопуларните и најбарани термини и теми во тек на 2010 година. Меѓу „најжешките“ пребарувања се Светското првенство во Јужна Африка, контроверзниот Chatroulette сервис, поп ѕвездата Џастин Бибер, Apple-овиот iPad, земјотресот во Хаити... и уште неколку термини и теми кои го покажуваат глобалниот интерес за нештата и популарните настани кои се случија во тек на годината.
Facebook воведува дополнителни опции за заштита на приватноста преку мобилното користење на друштвената мреажа. Опциите ќе овозможат подетален преглед на споделените информации преку различни апликации и веб сајтови, и можност за контролирање на пристапот до тие информации од страна на апликациите, исто како што е достапно и на десктоп Facebook во менијата Applications and Websites од опциите за приватност.
Продавницата за веб апликации Chrome Web Store на Google oд самиот почеток нуди над 500 веб апликации. Некои од нив се доста интересни, други се само копија на веб сајт, трети непотребни. А има и корисни алатки или апликации кои до сега беа достапни само за iPhone и iPad, а сега ги имате на вашиот Chrome прелистувач.
Од објавувањето на доверливите документи, контроверзниот сајт Wikileaks стана доста споменувана тема на Twitter, но ознаките со која се бележат пораките за #wikileaks или #cablegate никогаш не се појавиja во листата на трендови што привлече критики дека Twitter го цензурира промовирањето на темата, исто како што други сервиси престанаа да го опслужуваат Wikileaks.
Друштвената и чудна игра Pet Society во која Facebook корисниците чуваат виртуелни миленичиња со свои куќички, облека и мебел продава 90 милиони виртуелни предмети дневно!, открива Себастиен де Галеус, ко-основач на Playfish, на LeWeb конференцијата.
Microsoft најави дека новиот Internet Explorer 9 ќе има заштита против следење на корисничката активност на веб сајтовите. Заштитата, која ќе се појави со новиот IE9, ќе им овозможи на корисниците да одлучат кои сајтови и сервиси da пристапат до нивните информации.
<Надополнето 09.12.10>Сајтот на Mastercard повторно функционира после скоро 24 часа. <надополување>Сајтот на MasterCard е под DDoS напади од активистичка хакерска група која сака да ја одмазди Wikileaks, сајтот кој објави куп доверливи дипломатски документи.
„Ништо освен Веб“, вели Google за својот нов Chrome оперативен систем за ноутбукови, кој секогаш ќе е поврзан на интернет и ќе користи веб aпликации.
Google го претстави Chrome Web Store, продавница за платени и бесплатни веб апликации за Chrome прелистувачот и за Chrome оперативниот систем кој ќе се појави на средина на 2011 година.
Кога Facebook ги стартуваше новите профили нагласи дека под краткото, воведно инфо ќе има неколку најново тагирани фотографии бидејќи „ништо не го објаснува човекот како фотографиите“.
Хрватската компанија Infinum освои 100.000 долари за својата badaSports мобилна апликација која го освои првото место во категоријата Easy Life на Samsung Global Developer Challenge. На натпреварот за креирање апликации за новиот Bada мобилен оперативен систем на Samsung има вкупно 24 победници распределени низ категории кои меѓу себе поделија 2.7 милиони долари награден фонд.
<Надополнето 07.12.10> Apache Software фондацијата го прифати предлогот (види првичен текст) да го развие подобро и покомплетно Wave проектот откако Google се откажа од него и го отвори кодот. Сега познат како Apache Wave ќе стане проект изработен од заедница на програмери за слободниот софтвер.
Вториот Google телефон Nexus S ќе биде и првиот телефон кој ќе ја има најновата верзија на мобилниот оперативен систем Android Gingerbread, кој ќе биде наскоро достапен за надоградување на Android телефоните.
Контроверзниот сајт Wikileaks го изгуби својот .org домен кој беше изгасен од американскиот интернет провајдер, беше тргнат од серверите на Amazon, се повлече и PayPal преку кој одеа донациите за сајтот, а сега и Швајцарската пошта ја изгаси финансиската сметка на основачот на Wikileaks, Џулијан Асанж.
AutoComplete опцијата на Google е алатка која ви помага „да ги одморите прстите“, да побрзо и поедноставно да дојдете до резултатот кој го барате сугерирајќи ви пребарувања слични на она што сте започнале да го пишувате, вклучувајќи ја како клучен фактор популарноста на бараното. Сите резултати кои ќе ви бидат понудени од Google AutoComplete претходно се внесени од страна на други Google корисници. Се решив да направам едно мало истражување, (инспириран од следниов линк), и да разгледам како Македонија е претставена според Googlе, односно што е она што најмногу го бараат корисниците и што е најпопуларно за секој македонски град.
