Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
Оpera ги претстави своите нови Mini 6 и Mobile 11 прелистувачи за мобилните телефони и таблет компјутери. Mini, кој ги компресира страните за да добие на брзина, е наменет за телефоните од постарата генерација кои работат на разни платформи, пример J2ME, додека Mobile 11 е наменета за помоќните мобилни уреди и таблет компјутери.
<Надополнето>Објавена е официјната верзија на Firefox 4. Повеќе ќе прочитате тука. </надополнување> Иако се очекува новиот Firefox 4 да биде официјално претставен покасно денес, сепак финалната верзија од прелистувачот е достапен за симнување во моментов преку FTP сервер. Преку серверот ќе најдете фолдери зависно од оперативен систем, а во нив ќе најдете и верзија на македонски јазик.
Facebook го купи Snaptu, сервис кој ќе им овозможи и на корисниците кои немаат паметни телефони да пристапуваат кон Facebook. Ова е трет потег на Facebook кон мобилната технологија, после маркетинг стартапот Rel8tion и апликацијата за групно праќање пораки Beluga.
Црвениот Крст на Македонија заедно со мобилните оператори отвори неколку телефонски броеви на кои може да се донира за помош на Јапонија која ја зафати земјотрес и цунами кои ги уништија приморските градови, загинаа над 21.000 луѓе, се направи огромна материјална штета, по што следеа застрашувачки проблеми со три нуклеарни реактори.
Twitter за својот 5-ти роденден покани 16 славни корисници да објаснат зошто го сакаат Twitter.
Сигурно досега сте ги забележале оние симпатични и, во најмала рака, импресивни 3D проекции на згради кои во последно време доаѓаат од сите страни на светот. 3D мапирањето според Wikipedia е мапирање на три-димензионални точки на дво-димензионална рамнина. Со помош на оваа техника, може да се добијат навистина интересни 3Д ефекти, кои можете да ги видите во видеата.
Интернетот е поголем од било кога. Експанзијата на нови сервиси, експоненцијалниот раст на нови корисници, веб компании кои растат со неверојатна брзина. Можеби е изненадувачки фактот кој следи, но бројките покажуваат дека за ова виновни се - жените.
Американскиот сенат ќе и даде повеќе пари на CIA да го развие Facebook бидејќи разузнавачката агенција е „изненадена што луѓето споделуваат се што стигнат... што е навистина сон кој се остварил за CIA", пренесува сајтот за пародии и лажни вести, The Onion.
Google ја обвинува Kина дека се плетка со работата на Gmail сервисот со цел да спречи интернет активисти да организираат „јасмин револуција“ налик на неколкуте што се случија последниот месец во Тунис, Египет и Либија.
Првиот подкаст на Комуникации.нет е достапен за слушање на нивниот блог. Во подкастот ќе ги чуете @darko156, @kuzevski и @sead93 кои ќе дискутираат, во оваа прва епизода, за што е подкаст, за друштвените медиуми и за други актуелни ИТ општествени теми и комуникациски теории.
(Oва е гостински текст на Арангел Ангов, долгогодишен член и придонесувач во фондацијата и проектот GNOME, како и член на 2с.мк и хаклабот КИКА.) Како дел од Google Summer of Code, фондацијата GNOME им дава на сите заинтересирани кандидатки шанса да учествуваат во еден од најголемите проекти во светот на слободниот софтвер, работната околина (или десктопот) GNOME. Иницијативата на фондацијата GNOME, GNOME Women Outreach Program е одлична шанса за младите студентки по компјутерски науки од македонските универзитети да добијат можност да работат заедно со луѓето од GNOME заедницата кои што ќе учествуваат во проектите како тутори со долгогодишно искуство во понудените области.
Интернационалното тело одговорно за интернет домените, ICANN, официјално, после долгогодишна дискусија, го одобри .xxx top-level доменот да се користи за сајтови со порнографска содржина.
Apple ќе вгради Near Field Communication (NFC) чипови во новиот iPhone 5, пишува Forbes повикувајќи се на извори кои работат на NFC продукт, со што продолжувајќи ги шпекулациите кои се движеа од топло до ладно во последнава недела.
isoHunt во својата борба против Холивуд и обвинувањата за нарушување на авторските права поднесе жалба до судот велејќи дека дека Google, a не тие, е најголемиот BitTorrent пребарувач на интернет.
Некои веб апликациите кои се стартувани од home screen на цел екран на iPhone или iPad, наместо преку Safari прелистувачот, не го добиваат ветенота 2.5+ пати побрзо функционирање со JavaScript за iOS3.
URL Hunter или URL ловец е игра лоцирана целосно во URL барот. Ова е еден целосно нов пристап, а развивачот Кори Џонсон вели дека ја склопил по само неколку часа играње со HTML 5.
Digital Crimes Unit на Microsoft во соработка со полицијата ја срушија најголемата спам мрежа во светот Rustok. За големината на спам мрежата говори и статистиката дека 89-90% од сите имејл пораки пратени во светот се всушност спам пораки.
Американската војска развива софтвер - „сервис за менаџирање на онлајн личност“ - кој ќе дозволи тајно да се манипулираат онлајн дискусиите со креирање лажни идентитети и профили за да се влијае врз корисниците и да се шири про-американска пропаганда, пишува Guardian.co.uk.
<Надополнето:> Apple велИ дека ова истражување си има свои маани. Blaze за ова истражување користеа апликации кои сами ги развиле, наместо оригиналните производи, како на пример Safari, a во извештајот иако ја имаат дадено оваа информација, имаат напишано дека ги користиле предностите што ги има новиот iOS 4.3, како подобрениот Safari со Nitro енџинот. Apple вели дека апликациите кои го имплементираат UIWebView за да овозможат функции за „сурфање“ како што направиле Blaze, не ги користат подобрувањата до новиот iOS 4.3, и дека тоа можеби е причина за толку високата разлика.
Алатката за споделување локација Facebook Places сега е активирана и за македонските корисници да можат да се чекираат, односно да тагираат места на Facebook кои ќе си добијат своја страна која ќе може да се едитира со слики и информации.
