Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
Попуст.бе е уште еден, нов агрегатор на групни попусти. Се чини дека идејата за собирање на сите попусти на едно место е премногу очигледна, само беше прашање на време кога ќе се стартуваат агрегаторите.
Видео сервисот ќе ги праќа прекршувачите во Училиште за авторски права. Ако корисникот добие опомена за прекршување на авторско право YouTube ќе го присили корисникот да мора да го прегледа Copyright School видеото, кое е анимиран едукативен 4.5 минутен цртан со Happy Tree Friends. По видеото корисникот ќе мора да одговори на мал квиз да „покаже дека може да посвети внимание и да ја разбере содржината“ пред да продолжи да закачува видеа. за да ги тргне опомените . Со три опомени се банира корисникот од сајтот.
Во склоп на активностите Денови на Кариера 2011, на 16-ти и 17-ти Април, на Машинскиот факултет во Скопје, ФЕИТ, ќе се одржи дводневен семинар со интерактивни предавања на тема „Развој на кариера во ИТ секторот".
Не требаше многу да се чека за да го видиме првиот .мк агрегатор на групни попусти. Евтино.мк е проект на Даниел Брзанов, веб дизајнер и веб програмер, кој вели дека иако проектот е во алфа, го стартува заради текстот што го објавивме, иако требало да се доразвие малку да се додадат понудите од другите сервиси […]
Апликацијата за отворен пристап до информации, креирана од студенти на ФОН универзитетот, WORLD, која ја претставивме претходно, ја освои Popular Choice Award, односно Награда од публиката на натпреварот на Светска Банка за креирање апликации за развој. Освен признанието тимот на WORLD ќе добие и 5.000 долари парична награда.
Во Македонија во рок од 4 месеци се појавија околу 6 сајтови за групно купување. Ги има Grouper, Kolektiva, Грабни попуст, Купуваме.мк и новите ВоСкопје.com и Gaga.mk.
Најлоша оценка, 2.7 меѓу 1 како непостоечи и 7 комплетно развиено, оди за „способност за иновација“ во бизнис секторот во Македонија, иако за бизнисите се расположени за нови веб сервиси, бидејќи „влијанието на ИКТ на нови сервиси и продукти“ е оценето со 4.3, се вели во Извештајот за глобалната информатичка-технологија на Светскиот економски форум.
Најголемата новина кај Layar 5.0, апликација за iPhone и Android, е e што содржината од проширената реалност ќе може да ја споделувате на Facebook и Twitter. Друга новина е целосно редизајнираниот интерфејс и поголема интеракција со слоевите заедно со подобри анимации, што значи Layar не е ограничена на статични слики.
Бевме запрепастени кога Groupon одби да се продаде за 6 милијарди на Google, но сека не знам што да помислам слушајќи дека Twitter одбил 10 милијарди долари понуда.
Кinect SDK(Software development kit) за Windows ќе им даде шанса на хакерите, истражувачите и ентузијастите да си играат со Kinect креирајќи разни апликации за гејминг платформата.
Скрипти, книги, белешки, семинарски... mkstudent.com ќе функционира како дигитална библиотека за материјали од скоро сите факултети и насоки. Ок, сајтот е нов, нема купишта документи, но е добра идеја за почеток, а има и опција да додадете ваш материјали со што ќе се збогати библиотеката.
FellowUp е бесплатен онлајн сервис кој го олеснува истовременото раководење на повеќе профили на друштвените мрежи. Тоа што го прави овој сервис поразличен од многуте со иста намена, е тоа што FellowUp освен што ги собира на едно место информациите од корисничките профили, истовремено ги комбинира и врз основа на претходно внесеното дава различни типови на препораки. Препораките варираат од сугестија за честитка за роденден, до локација за средба со одреден профил на корисник.
Google, Facebook, Ebay, Dailymotion... се меѓу неколкуте сервиси кои ќе одат на суд против француската влада на суд, бидејќи одбиваат да го почитуваат законот со кој се бара од нив да складираат кориснички информации.
Додавајќи суптилно зелено знакче покрај името на корисникот Facebook воведе показател што ви кажува дека пријателот ви е онлајн, односно дека можете да си направите чет со него.
Можеби делува дека гневните птици за многу кратко време завледеаа со светот на мобилните игри, но всушност за„успехот преку ноќ“ требаше „само“ 8 години кога паметните телефони не беа појавени.
Soundcloud е популарна аудио платформа за споделување музика, која во моментов тестира опција Taking Questions со која фановите и музичарите можат да дискустираат за парчето музика, за семплот, за миксот, за песната...
Мicrosoft го објави првиот преглед на платформата на Internet Explorer 10, иако 9-ката беше објавена само пред месец дена. Најверојатно бидејќи IE 9 беше изграден од почеток, им дозволи на Microsoft полесно и побрзо да го надградуваат прелистувачот кој и покрај „револуционерниот“ редизајн пак е далеку зад новите Chrome 10 и Firefox 4 според популарноста и функционалноста.
Новиот паметен телефон на HTC има 4.3-инчен LCD екран на допир, 8 мегапиксели камера со 1080p HD видео, dual-corе 1.2GHz Snapdragon процесор. Новиот HTC Sensation 4G ќе се појави во Европа летово.
Google плати 25 милиони за Pushlife, компанија која развива софтвер за мобилно синхронизација на мултимедија, која може добро да се вклопи во плановите да објават музичка платформа.
Google доби идеја да го додаде +1 копчето за да се споделуваат резултатите, а Crossrider ја продолжи таа идеа креирајќи Google +Like додаток за Firefox, IE и Chrome со кој се додава Facebook Like копчето до резултатите од пребарувачот.
