„Следниот пат кога ќе најдете некој кул слој, добиете некое достигнување [achievement] или најдете некој 3Д модел кој ќе сакате да го скликнете ќе може веднаш и лесно да го споделите со светот.“, вели Крис Камерун од Layar.
Layer е пребарувач/продавница на апликации со проширена(аугментирана) реалност. Апликацијата овозможува, користејќи камера и GPS на паметните телефони, да разгледувате околу вас и да наоѓате корисни информации. Бидејќи камерата ја прикажува реалноста, а дигиталните информации се додадени врз неа се вели дека се „слоеви“. Секоја апликација е слој. Во принцип, Layar овозможува да се разгледуваат слоеви со информации врз реалноста, пример слики од хотели, 3Д модели од згради, најблиски ресторани и други податоци.
