Најнови ИТ вести, технологија, стартапи, дигитални сервиси, компании и трендови од Македонија и светот. IT.mk носи релевантни информации за локалната технолошка заедница.
Zynga на 17-ти мај ќе го стартува GagaVille кое е посебно дизајнирано место во популарната друштвена игра FarmVille каде посетителите ќе имаат шанса ексклузивно да ја чујат првата се-уште-необјавена песна од „Born This Way“ албумот на Лејди Гага, и да видат овци во кожни јакни на мотори, еднорози, кристали... целата екстравагантност на поп ѕвездата смалена во пиксели... и на фарма.
„Едно лето“ е проект направен со цел да се зголеми интересот за развој на слободен софтвер во Македонија од страна на Слободен софтвер Mакедони, Java User Group Macedonia (JugMK), Rubi User Group Macedonia (rubјаy.mk), Python User Group Macedonia, во соработка со ФИНКИ.
По 400.000 Android телефони се активираат секој ден, вели Android тимот на Google на I/O конференцијата која е во тек.
Започнува Google I/O конференцијата каде се очекува гигантот да го претстави својот музички сервис во облакот, како и неколку новини околу мобилната Android платформа. Конференцијата ќе трае денес и утре, среда, а сите клучни говори и претставувања ќе одат во живо на YouTube.
Wired и iFixit расклопија GPS уред за следење на автомобилите кој му припаѓа на Федерално биро за истраги (FBI) и кој е посебно направено за службите. Моментално во САД FBI бара дозвола од американскиот Уставен суд да ги користи овие уреди без потреба од налог да може да ги следи луѓето. Расклопениот GPS уред e oткриен под автомобилот на еколошки активист која го има уредот уште од 2005-та кога, најверојатно и сега, FBI ја следеле бидејќи е „анархист“.
<Надополнето> Microsoft го купи Skype за 8,5 милијарди долари, со цел да пружи Skype поддршка за Microsoft уредите како Xbox и Kinect, Windows Phone мобилни и идни таблет компјутери, а Microsoft ќе ги поврзе Skype корисниците со Lync, Outlook, Xbox Live и други заедници.
Apple стана највредниот бренд во светот со 82 отсто раст во вредноста која сега е над 153 милијарди долари, надминувајќи го Google кој четири години беше на првата позиција.
Позитивни импресии, срамежлива-за-дискусија публика, добри примери на успешни апликации и проблеми со микрофонот... сé на се, првиот македонски Mobile Monday беше интересен настан кој ги собра мобилните ентузијасти и програмери да дискутираат за како се развива .мк пазарот, да се чујат примери за успешни апликации и да се види како понатаму во развојот на истите.
Друштвените мрежи, особено Facebook, сѐ почесто стануваат ексклузивна „локација“ за лансирање на нови производи. Оваа платформа нуди претставување пред огромен број на корисници, ниски трошоци за изведба и леснотија при презентирањето, па не е ни чудно што сѐ повеќе компании се одлучуваат за Facebook како прво место за прикажување на нивните најнови остварувања.
Microsoft, Google, Facebook... сите три гиганти се кандидати или да го купат Skype или, што е поверојатно, да инвестираат и да започнат сериозна соработка со VoIP сервисот. Ова се во моментот шпекулациите кои кружат низ Интернет, започнувајќи со Reuters кој според извори блиски до компанијата вели дека Skype е во преговори со Facebook и Google, и сега продолжувајќи со GigaOm кој вели дека и Microsoft е вмешан во целата ситуација и дека треба да се очекуваат детали наскоро.
Google започнува интересна идеја да понуди бесплатно фотографирање на локалните бизниси, како ресторани, хотели, продавници, канцеларии... и истите слики да се искористат во Google Places профилот на бизнисите и на Street View и Google Мaps.
Бојан Костадинов, Игор Кулев и Васја Павлов се тројцата најдобри програмери од финалниот CodeFu настан, кој се одржа во недела, 08 мај, во организација на Netcetera.
Корисничкиот агрегаотор на популарни вести Ping.mk доби комплетно нов редизајн станувајќи повеќе како сајт со вести, категории, популарни и последни написи, отколку како што беше претходно само листа од соберени линкови. Всушност, листата со линкови останува во делот „агрегатор“, но почетната страна е направена да наликува на веб сајт за брзо прегледување на популарни вести. Опциите за лајкување и коментирање остануваат покрај секој пост.
Некои корисници, кои се во случајниот тест избор, ќе можат да приметат дека страната со резултати на Google има нов изглед, односно ќе видат попразна страна со повеќе простор меѓу линковите од резултати каде истите се со минимални информации. Поради повеќе празното место, сега има и помалку резултати на една страна. Можеби конечно Google ќе не натера да прегледаме повеќе од една-две страни од резултатите.
Еден од најуспешните британски алпинисти Кентон Кул со помош на 3G конекција успеа да сврти повик и да го прати првиот твит од врвот на Монт Еверест, највисокиот врв во светот.
Во Македонија скоро сите партии имаат тим за интернет кампања. Можеби мотивирани што скоро пола Македонија, скоро 900.000 гласачи се на друштвените мрежи, можеби импресионирани од кампањите на Барак Обама, партиите работат на Facebook профили на кандидатите, Twitter комуникација, YouTube видеа, се праќаат имејлови, се со обид да се биде што е можно поинтерактивни.
Македонските Facebook корисници се мета на таргетирана локална phishing измама. Корисниците преку хакнати профили на нивните пријатели се водат до страна - http://www.jesjes--slike.tk/ која наликува апсолутно на Facebook со порака „логирај се има твои слики тука“. Целиот текст е напишан на македонски, а ако се обидете да четувате со хакнатиот пријател ќе добиете одговор на македонски бидејќи разговарате со локален black hat хакер зад профилот.
Друштвената мрежа преку DealSpot програмата ќе ги наградува корисниците со виртуелната валута Credits по прегледана брендирана реклама која претежно ќе се појавува преку разните игри. На корисниците ќе им бидат давани меѓу 1 и 10 Credits за прегледувањaта. Десет Credits се 1 долар, но само ако ги купувате, заработените Credits можат да се потрошат само на Facebook апликации.
Веб сервисот за менаџирање на лозинките LastPass објави блог пост во кој вели дека приметиле „аномалија во сообраќајот кој доаѓа до серверите“ каде пратените информации се поголеми од тие стигнатите во време кога никој не работел и од машини кои не праќаат толку многу податоци.
Контроверзната хакерска група Аnonymous во соопштението го отфрли обвинувањето од страна на Sony дека членови на Anonymous се вмешани во пробивањето на Playstation Network од каде се украде огромно количество лични информации за 77 милиони гејмери заедно со нивните кредитни картички.
