Најверојатно во склоп со Google+ друштвената мрежа, Google Webmaster tools и Analytics, алатките за следење на статистиката за посетите на вашиот сајт, сега можaт да ги следат споделувањата преку Google +1 копчето, Facebook Like и твитовите.
Google+ Project e најголемиот обид на Google да му конкурира на Facebook, но дали ќе им се допадне на милионите корисници да започнат да користат уште една друштвена мрежа? Дали Google конечно после неколку неуспешни обиди креира квалитетна и корисна друштвена мрежа? Според Вик Гундотра од Google „нема да го убодеме од прва, но ќе се трудиме додека не успееме“.
Seavus ја стартува тест верзијата на Soc.io, продавница за Android апликации. Продавницата или „трговски центар“ се состои од апликации за Аndroid, е-книги и наскоро музика. Продавницата е поделена во два дела, еден дел е за индивидуалните развивачи, а другиот е за партнерите кои ќе можат да си брендираат цели страни, асоцирајќи на наредените продавници во виртуелен трговски центар.
Twitter го претстави Newsrooms сајтот кој има водичи за новинари кои сакаат да ја користат друштвената мрежа за истражување и барање на вести и приказни.
Microsoft објави македонски интерфејс за Windows, имаме Facebook, Firefox и друг софтвер на македонски јазик. Но, колку од нас го користиме? Дали преводот одговора со опциите на кои сме навикнати? Овој проблем - англискиот да биде префериран пред македонскиот - продолжува, а решение нема бидејќи има премногу софтвер за да се преведе, и премногу навики да се одвикнат.
По 50 дена хакирање на разни сајтови и привлекување на огромно медиумско влијание, хакерската група LulzSec се растури. Lulz бродот се укотви, како што велат хакерите во својата официјална изјава, на истиот ден кога е роденденот на авторот Џорџ Орвел, познат по книгата „1984“.
Мicrosoft Македонија ги претстави јазичните интерфејс пакети со кои се преведуват на македонски јазик Windows 7 оперативниот систем и Office 2010 алатките. Јазичните пакети можат да се симнат бесплатно.
Twitter спрема промени кои ќе донесат „промовирани твитови“ директно во корисничкиот стрим, открива. Овие промени за огромно незадоволство на твитерџиите ќе се случат во следниве два месеци.
Идејата треба да се реализира, вели 18-годишниот Свен Капуџија од Хрватска, кој е креатор на Trambus, апликација за јавен превоз која го освои второто место на европскиот натпревар Startup 2.0.
Повикајте такси само со еден клик без да го знаете телефонскиот број - ова е идејата зад Тaksiko, победничката мобилна апликација на европскиот Startup 2.0. Aпликацијата е навистина интересна и ветува. Taksiko не само што го поврзува корисникот и најблиското такси користејќи гео-локација, туку се споделува дестинацијата и цената меѓу двете страни, се следи таксито, се води статистика за секој клиент, и им се нудат попусти за лојалност на клиентите.
Facebook станува се поголем и поголем, и тоа се побрзо и побрзо. Бројката од 750 милиони корисници не е официјална, Facebook сè уште ја нема променето официјалната статистика од 500-те милиони, но доаѓа од извори на TechCrunch и се поклопува со претходни извештаи, и искрено воопшто не изненадува.
Симболично, додека се префрлува Symbian во рацете на Аccentura кои имаат договор да ја оддржуваат платформата во живот до 2016-та, директорот на Nokia, Стефан Елоп го покажа првиот Nokia Windows Phone телефон со работно име „Sea Ray".
Fourquare само по две години од стартувањето влезе во одлично-за-негов-раст партнерство со гигантот American Express. Соработката ќе значи дека секој корисник на кредитните картички ќе има попуст во некои продавници и ресторани кога ќе се чекира и плати со картичката.
Во малку бизарен момент Џејсон Валдез, 36, од Јута, САД, преку Facebook ги информираше пријателите и фамилијата дека пука кон полицијата додека седи барикадиран во хотелска соба цели 16 часа.
Google потврди дека работи на Games платформа со објавен оглас за работа во кој бара продукт менаџер за идната Games платформа. Освен стандардните побарувачки во еден оглас: иновативност, тимска работа, одговорност, анализа итн. итн. во улогата за рабатата се наведува дека продукт менаџерот ќе има „шанса да расте целосно нов бизнис - Games at Google!".
Новиот iPhone 5 или 4S, зависно кое име ќе му го даде Apple, ќе се појави во септември, и според традицијата на Apple ќе биде претставен заедно со iOS 5 оперативниот систем на кој што ќе работи телефонот, пишува Bloomberg повикувајќи се на анонимни извори кои се блиски со плановите на компанијата.
Dropbox дозволи сите кориснички податоци да бидат на отворено скоро 4 часа во неделата. Тоа, вели сервисот за складирање на фајлови во облакот, не требаше да се случи. Но, бидејќи се случи, не само на Dropbox, туку многу сервиси во облакот се недоволно заштитени и имаат пропусти, најдовме неколку решенија кои можат уште повеќе да ги заштитат фајловите кои се закачуваат на веб.
Првиот „чист паметен телефон на допир“ без Home копче. Вака Nokia го најави N9, својот прв уред кој ќе работи на MeeGo 1.2 платформата која го претставува „лизгањето“ како навигација меѓу апликациите и трите домашни екрани. Има копче од страна за стартување, но поинтересно е што уредот се стартува со кликање два пати на екранот, а се отклучува со лизгање на екранот од еден до друг крај.
На 24-26-ти јуни се одржува првиот Startup Weekend во Скопје. Интересниот концепт на настанот е да се соберат 50 креативци кои ќе споделат своја идеја за стартап бизнис, ќе бидат одберени најдобрите потенцијални идеи и ќе се креираат тимови водени од истакнати ментори кои ќе започнат свој стартап бизнис.
Mинистерството за внатрешни работи стартуваше нов редизајниран веб сајт на кој ги вклучи опциите граѓаните да можат преку веб страната да закажат термин за аплицирање за биометриски лични документи. Во новиот сајт е додадена е и статистика за криминалот во последните 10 години.
