Google воведува опција за приоритетно сортирање на мејловите на 'важни и непрочитани', 'омилените' (означени со ѕвезда) и 'сите останати'. Покрај овие категории, преку опциите за Priority Inbox може да се додадат уште персонализирани категории. Тоа што е интересно за системот е што постепено учи кои мејлови се важни според тоа како ги читате.
Dirpy Studio e веб алатка со која можете да извлечете и симнете mp3 фајл од некое YouTube видео или пак да го симнете тоа видео. Пример, ви се допаѓа некоја песна, или пак некој семпл од видеото, или целото видео... го внесувате линкот до видеото и потоа можете да си одберете од кое до кое време да го извади аудио фајлот и можете да си го одберете квалитетот на истиот.
Wilderness Downtown е Chrome проект, направен од Крис Милк, со кој се демонстрираат HTML5 можностите на прелистувачот. Се работи за видеото за песната „We Used To Wait“ на Arcade Fire кое ги користи Google Мaps и Street View заедно со HTML5 canvas, аудио и видео елементи, интерактивна алатка за цртање и кореографија на прозорчиња „да игра околу екранот“.
Intel за 1.4 милијарди долари го купи одделот за безжични решенија на германската компанија Infineon која се занимава со чипови за мобилни. Intel се почесто инвестира во мобилната технологија обидувајќи се да стане конкурент на пазарот за паметните телефони.
Fаcebook најави дека ќе ја прекине поддршката за девет години стариот Internet Explorer 6, бидејќи прелистувачот самиот не ги поддржува подобрувањето на таа чет опцијата.
Најновата аквизиција на Google е Ångströ, стартап компанија која прави апликации за полесно споделување информации преку друштвени мрежи и Вебот, апликации за наоѓање фотографии од Facebook и нивно извлекување, како и креирање на адресар со контакти во реално време.
Надополнето 29.08.10: Сега е и официјално дека Кевин Митник ќе биде во Скопје од 21 до 26 октомври. Неговите две предавања ：The Art of Intrusion and The Art of Deception ќе бидат во хотелот Александар Палас во Скопје. Целиот настан е организиран од маркетинг компанијата Озеха P3.
Tutoriali.com.mk веќе една години нуди над 310 најразновидни корисни туторијали за технологијата, софтвер, разни трикови, хардвер, Windows, Visual Basic, Java, C++... едуцирајќи ги и нудејќи им помош на сите посетители.
Магазинот Time објави листа од 50 најдобри веб сајтови, во која нема рангирање, туку сајтовите се подредени низ неколку категории. Можеби листата е малку ориентирана кон САД посебно категоријата за спорт, сепак Time е американски магазин. Но... и покрој тоа листата е одлична од аспект да се видат модерните веб страни, содржината и услугите кои тие ги нудат, како и нивното се поголемо влијание ширум светот, како на пример TED.com и Wikileaks.com кои се најдоа меѓу најдобрите во категоријата за најдобри сајтови за вести.
Borg.мк е нов македонски интернет пребарувач на Игор Трајковски, креаторот на Time.mk. Досега македонското пребарување се сведуваше на Najdi.org.mk и pogodok.com.mk. Но се чини дека каде тие два пребарувачи не успеаваат, Najdi.org.mk е со ограничени извори, Pogodok.com.mк од 01.09.2010 нема да постои веќе, таму Borg.мк успева да понуди нешто интересно.
Google стартуваше нова страна за подобреното пребарување во реално време кое прв пат го објави пребарувањето во реално време во декември и кое до сега беше интегрирано со резултатите.
Почнувајќи од денес ќе може да го користите YouTube на 4 нови јазици: хрватски, филипински, српски и словачки, вели YouTube на својот блог. Ова значи дека YouTube сајтот сега поддржува 28 јазика, што е различно од автоматскиот превод со кој можат да се гледаат видеа на 50 јазици, меѓу кои и на македонскиот превод.
Хрватската компанија Pet minuta чиј продукт е Shout 'Em, сервис за креирање микро и мобилни друштвени мрежи, доби 1.2 милиони долари инвестиции од словенскиот фонд RSG Capital. Ова е втора поголема инвестиција во Shout 'Em откако претходно доби 350.000 долари од хрватските Bicro LTD.
Google стартува интересен додаток за Gmail со кој корисниците ќе можат да вртат телефонски повици преку имејл сервисот.
Со четвртата бета на Mozilla Firefox 4 се претставија две интересни опции. Првата е Panorama опцијата, претходно позната како Tab Candy, со која се групирараат табовите. Пример, ако имате отворено десетина табови (јазичиња) ќе можете да ги организирате само со повлечи-и-спушти.
Consipracy for Good e прв проект за интеракција на реалниот свет со проширената (аугментирана) реалност. Познат како „трансмедиа“ забава Conspiracy for Good e авантура или модерен трилер во кој е вклучена публиката која преку веб, мобилните апликации и задачи од реалниот живот му помага на активист да открие корпорациски криминал. Проектот е дело од Тим Кринг, креаторт на популарната телевизиска серија Heros, во соработка со Nokia.
Откривањето на македонските Android апликации продолжува. Очигледно e дека сите сме нестрпливи да ја видиме официјалната листа од Vip Android предизвикoт. Интересно и One стартува уште еден ваков натпревар. Ова е одлично нешто за да се мотивираат програмерите да направат број корисни македонски апликации. Незгодно е што најверојатно на двата натпревари ќе видиме исти апликации во подруга верзија но има доста време да се направат и нови.
На Bing.com, интернет пребарувачот на Microsoft, се појави фотографија од дебарското езеро Шпиље. Bing на своите слики вметнува и мали пакети информации за местото на сликата за да го популаризира и демонстрира својот интернет пребарувач, да даде идеја што да се бара со цел да го привлече корисникот. Но... во овој случај покрај пребарувачот, и Mакедонија ќе ќари интерес од оваа промоција.
Intel и Nokia отворија лабораторија за истражување на 3Д мобилен интерфејс со виртуелна реалност. Во лабораторијата ќе бидат истражувачи од двете компании кои ќе работата на МееGo мобилниот оперативен систем на Intel и Nokia.
BBC стартува прототип проект Dimensions со кој, користејќи ја мапата, ja споредува големината на светски настан со вашиот дом и соседство. Dimensions ги преклопува двете мапи со што им дава локален контекст на настаните. Пример, ве интересира колкава површина опфатија поплавите во Пакистан споредена со површината на Македонија, или пак колкав дел од Скопје ќе заземе познатиот музички фестивал Гластонбери. (сликата горе)
