Mozilla Firefox 4 најверојатно ќе се појави на 22 март, тоа е за недела дена од сега, но само доколку нема некоја посебно незгодни грешки и багови во финалната тест верзија на прелистувачот, вели од Демон Сикоре од Mozilla.
Последната бета верзија на Firefox 4 е достапна за Android и Nokia Maemo. Оваа петта бета верзија се концентрира на подобрување на перформансите, големи подобрувања има во брзината и стабилноста.
Пол Рожет од Mozilla објави вид инфографик во кој го омаловажува новиот Internet Explorer 9 чија финална тест верзија беше објавена само пред некој ден.
Google и Mozilla најавија дека нивните прелистувачи Chrome, односно Firefox ќе имаат „не следи“ опција која ќе ги оневозможи таргетираните онлајн колачиња да ги следат активностите на корисниците.
Skype Toolbar додатокот за сите верзии на Firefox е деактивиран заради успорување на прелистувачот. Според Mozilla, во последната недела дена имало 40.000 срушувања на прелистувачот токму поради овој тулбар. Иако ова е проблем со тулбарот, Mozilla вели дека „просто кажано, на корисниците може да им се причини дека Firefox e спор.“
Му аплаудираме на Google за промената која е позитивен чекор за слободниот софтвер, неговите корисници и сите кои го користат Вебот, вели Слободен софтвер фондацијата коментирајќи за одлуката на Google да ја прекине поддршката за H.264 видео кодекот во Chrome прелистувачот, и да продолжи да го користи WebM проектот, во борбата на прифаќање на стандард за видео енкодирање. WebM е поддржан од Opera и Mozilla, додека H.264 е прифатен од Apple и Microsoft.
Благодарение на заедницата на слободен софтвер Firefox 4.0 бета сега е достапeн на македонски јазик. Firefox 4 е новиот, редизајниран прелистувач од Mozilla кој моментално поминува неколку бети за да се оптимизира истиот преку корисничкото искуство.
Mozilla Labs на својот блог пишува дека работат на додаток за прелистувачот кој не само што ќе пушта аудио и видео, туку ќе има можност и да ја сними содржината. Додатокот со име Rainbow им дозволува на развивачите да пристапат до хардверското видео и аудио снимање со неколку линии на JavaScript код.
Open Web App екосистемот, се уште прототип, на Mozilla треба да биде место каде корисниците ќе можат да прегледуваат апликации, заедно со нова табла вметната во прелистувачот каде може да се инсталираат апликации, и место каде програмерите ќе можат да најдат различни алатки за развивање на апликации.
Mozilla го стартува својот Army of Awesome проектот, кој е обид да се регрутира Mozilla заедницата, експертите и ентузијасти кои ќе помогнат и одговорат на корисничките прашања и технички проблеми.
Петата бета верзија на Mozilla Firefox 4 го претстави аудио API-то, има промена на менијата за Windows верзијата и сега хардверска акцелерација е вклучена по зададено (default), што ќе го направи прелистувачот побрз, ќе има побрза графика и побезбеден HSTS протокол кој инсистира Firefox секогаш да користи безбедна конекција.
Со четвртата бета на Mozilla Firefox 4 се претставија две интересни опции. Првата е Panorama опцијата, претходно позната како Tab Candy, со која се групирараат табовите. Пример, ако имате отворено десетина табови (јазичиња) ќе можете да ги организирате само со повлечи-и-спушти.
Менаџирањето табови во Firefox ќе стани многу поедноставно, вели Аза Раскин, креативниот директор на Mozilla кој на својот блог објави видео од нов интерфејс - Tab Candy - за организирање и пребарување на табовите.
Mozilla ја подобри наградата од 500 на 3.000 долари за откривање на критични ранливости. Bug Bounty програматаа стартуваше во 2004 година, а сега покрај наградите и стандардните Firefox и Thunderbird, се додадени за тестирање и мобилниот Firefox и други Mozilla сервиси.
Се објави бета верзијата на Firefox 4 која носи промени во функционалноста како и комплетно различен изглед. Прелистувачот е достапен за симнување заедно со опција да испратите фидбек до Mozilla со цел да се добие конкретен и финален производ.
Mozilla ја објави бета 1 на новиот Firefox 4 кој носи доста новитети и промени во изгледот. Пример, Firefox 4 ќе има табови над УРЛ барот, налик на Google Chrome, копчињата „stop“ и „reload" 'e станат едно копче, ќе има заштита од срушување, односно ако има проблем ќе се гаси само еден таб не целиот прелистувач и друг куп детали како HTML5... кои сега и не се толку битни, сега за сега, бидејќи тоа што е важно е - колку е стабилна првата бета на Firefox 4 и како им се допаѓа на корисниците?
Eдно од најзабавните нешта со Firefox е можноста да се персонализира прелистувачот и тоа функционира перфектно. Mozilla објави дека се симнати над 2 милијарди! додатоци за Firefox, а над 150 милиони се користат секој ден.
Според Google AdPlanner друштвената мрежа е на прво место на најпосетувани сајтови со 540 милиони уникатни посети и 570 милијарди прегледувања на веб страни! На листата на топ 1.000 веб сајтови, во која се изоставени податоците за Google и YouTube, на второ место е Yahоо со 50 милиони помалку корисници и значителни 500 милијарди прегледувања на веб страници.
Преку 50% од околу 800.000 македонски корисници користат Mozilla Firefox, од нив над 100.000 користат локализиран Firefox, се спомна на денешнава средба на Mozilla заедниците од Балканот.
Plugin Check на Mozilla е сервис кој ви проверува дали плагините и екстензиите на прелистувачот се апдејдирани бидејќи „старите плагини можат да потрошат време и да го прекинат прелистувањето, го зголемуваат ризикот од вируси, додека надградените плагини го подобруваат сурфањето.“
