Facebook и Skype преговараат за да го продлабочат своето партнерство. Иако од двете страни нема никакви официјални информации, „интернетот“ вели дека после интегрирањето на Facebook статусите во Skype и контактите, ваквиот чекор како следен е очигледен.
Друштвените мрежи се ново интересно поле каде компаниите и брендовите можат да си играат, да креираат интерактивни кампањи и да комуницираат со потрошувачите.
Сите сме свесни за можностите кои ги нуди интернет маркетингот, да се биде интерактивен, директен и вирален, да се допре до повеќе корисници одеднаж. Epipheo Studios ја знаат тајната за комуницирање со публиката на интернет. А ние можеме да научиме многу од нивниот начин на работа.
Pingdom објави интересна статистика за се што се случуваше на Интернет во 2010 година, од пратени имејл пораки до користење на сервери и колку фотографии се закачуваат на Flickr. Неверојатно е што за само една година се достигнуваат огромни бројки во комуникацијата и споделување на содржината на скоро 2 милијардата интернет корисници. Еве што вели Pingdom:
Skype овозможи видео повици на Apple-овите iOS уреди со новата 3.0 верзија на апликацијата. За разлика од Apple-овото Face Time кое е видео повици меѓу iOS уреди, Skype овозможува видео комуникација меѓу iOS уредите и декстоп компјутери што е одлична опција за сите корисници да бидат во контакт. Повиците можат да се остварат преку Wi-Fi и 3G, а видеото поддржува портрет и пејсаж (landscape) гледање.
<Надополнето>Skype конечно функционира за сите после 20 часа недостапност. Барем за некои корисници. Милиони други се уште имаат проблем да се логираат на сервисот, често по логирањето Skype се гаси по некоја минутка. За тие пак што ќе се логираат, џабе! бидејќи ни ги нема поголемиот дел од контактите.
На Facebook 500-те милиони корисници секоја минута споделуваат над 50 илјади линкови. Тоа е неверојатно количество на информации. Додадете ги над 66.000-те тагирања на 135.000 фотографии закачени секоја минута, скоро 80.000-те „среќен роденден“ постови, и над 98.000 одобрени пријателства секоја минута, и добивате јасна слика колку ни е важна комуникацијата. И зошто Facebook е толку голем.
<Надополнето 07.12.10> Apache Software фондацијата го прифати предлогот (види првичен текст) да го развие подобро и покомплетно Wave проектот откако Google се откажа од него и го отвори кодот. Сега познат како Apache Wave ќе стане проект изработен од заедница на програмери за слободниот софтвер.
Со појавата на новиот Facebook систем за комуникација или пример со развојот на Google Wave, се претпоставува дека на имејлот како комуникациск алатка му се ближи крајот. Но имејлот е со нас со скоро 50-тина години и никогаш не ја изгуби основната функција - брзо пренесување на текстуални пораки, не за џабе сега во светот има околу 1.3 милијарди имејл корисници и скоро 2 милијарди мејлови се праќаат дневно.
Отварајќи со како 350 милиони Facebook корисници испраќаат по 4 милијарди пораки дневно, Mарк Зукерберг го претстави „модерниот систем за пораки“ кој се содржи од неколку сервиси: познатотo праќање пораки на мрежата, чет комуникација и имејл пораки. Сите комуникации ќе бидат сместени на едно место во еден вид стрим на информации.
Иако од една страна се одлични друштвени алатки, сепак од друга новите групи на друштвената мрежа си имаат свои проблеми. Покрај додавање луѓе без нивна согласност, групниот чет може да биде проблем бидејќи можеби не сте расположени за разговор и да читате другите што пишуваат.
Кога гувернерот на Калифорнија Арнолд Шварценегер слета во Москва веднаш твитна со слика дека пристигнал во Русија. На неговиот твит му беше одговорено со „Добродојде во Москва“ од @KremlinRussia_E, официјалниот профил на рускиот претседател Дмитри Медведев.
Facebook и Skype наскоро ќе најават партнерство што ќе вклучува интеграција на Facebook Connect во Skype, што ќе им понуди на корисниците да си праќаат SMS и да вртат телефонски повици, како и ќе има опција за видео чет со Facebook пријателите. Facebook интеграцијата ќе се појави со oбјавување на Skype 5.0 во наредниве недели, пишува AllThingsDigital.
Покрај тоа што со друштвените мрежи не го забораваме роденденот на најблиските или пооддалечените пријатели, самите мрежи ни го отвараат светот поврзувајќи не со други „странци и непознати“, кои сега ни се следбеници на Twitter или пријатели на Facebook, и поврзувајќи не со брендовите кои ни доставуваат информации на нашиот профил.
Друштвените мрежи се одлично место за разговор. Но двете македонски политички партии не сакаат да се дружат на Twitter, и покрај тоа што нон-стоп објавуваат прес соопштенија каде се меѓусeбно повикуваат и препукуваат на најразлични теми. Интересно, и двете партии го следат профилот @AntiKorupcija.
Првин беа само гласини за Google Me друштвената мрежа, а сега се појави и пreзентација од 212 страни закачена од Пол Адамс, водечкиот истражувач за друштвеното во корисничкото искуство во Google кој работел на Buzz и YouTube.
Пред само месец дена, на I/O конференцијата Google го претстави својот најнов проект, Google TV, со кој планира да ја поврзе телевизијата со интернетот. Денеска, Google објави уште едно видео каде што го објаснува концептот и начинот на функционирање на овој сет...
6rounds е сервис со кој можете да правите видео средба во живо. Не се работи само за видео сервис, да ја стартувате веб камерата и да се гледате и комуницирате со пријателите, туку покрај таа можност има интеракивна опција да играте игри додека се гледате на камера или пак да гледате видео заедно.
Ова е совршено! ми вели роботскиот глас на Google на македонски јазик преведувајќи ми го „this is perfect!“.
Microsoft Communicator Mobile за E52 И E72 Nokia телефоните е првата апликација од партнерството меѓу двете компании.
