Twitter комуникација меѓу Медведев и Шварценегер

Двајцата политичари се активни корисници на Twitter. Посебно г. Шварцернегер кој за време на престојот на калифорнискиот гувернер во Русија постојано твита и објавуваа слики од разните активности. Слики од возење во автомобилот на рускиот претседател, одење заедно во теретана, до шетања на Црвениот плоштад, посета на руските атлетичари…

Twitter едноставно им послужи како добар ПР за интеракција со корисниците. Но дури и тој ПР од 140 карактери и една слика на Twitter допринесе да се дознае нешто повеќе за политичарите, за какви личности се, какви интереси имаат и каде се и што се случува во моментот. Тоа што им недостасува на двата политичари е директна комуникација со корисниците (граѓаните). Двајцата немаат никаков одговор на некој корисник, а сигурно добиваат доста твитови земајќи в обзир дека @KremlinRussia_E има скоро 50.000 следбеници, односно @Schwarzenegger има скоро 2 милиони.