Низ Европската унија во 2010 година, 31% од испитаниците пријавиле дека закачиле вирус или друга компјутерска инфекција која резултирала со губење на информација или време во текот на периодот од една година, вели Eurostat, официјална агенција за истражување на Европската Унија, која објави селекција на статистики по повод Денот за побезбеден интернет.
Comité des Sages, група која ги разгледуваше можностите за дигитализација на европското културно богатство, донесе извештај во кој се бара да се закачи културното богатство онлајн за да се овозможи полесен пристап, зголемување на туризам, истражување и едукација.
<надополнето 15.12.10> Уставниот суд ги одби промените на Законот за електронски комуникации, односно ги поништи петте одредби кои и даваа моќ на полицијата да прислушува без судски налог. Одбиени се петте измени на член 4 (точки 47 и 48), член 112 (ставовите 7 и 8), член 114 (ставовите 7, 8 и 9), член 115 и […]
Новиот оперативен систем на Google, Chrome OS, кој се базира на cloud computing-от, ќе ги натера корисниците кон „невнимателно користење“ на своите податоци, вели основачот на GNU и Слободен софтвер фондацијата, Ричард Сталман за Guardain.
Европската Комисија стартува истрага за дали Google Inc. ја злоупотребува својата доминантна позиција во интернет пребарувањето и маркетинг пазарот. Google се огради од обвинението велејќи дека ќе соработуваат со Комисијата за истрагата.
Се повеќе конекции имаат брз широкопојасен интернет. Но ова е само, вели Европската комисија. Во јули 2010 скоро 30 отсто од широкопојасните линии во Европа достигале брзина од 10 Mbps пренос на информации, што е двојно повеќе од 15-те отсто од ланскиот јули. „Брзиот интернет сообраќај е дигиталниот кислород, потребен за европскиот просперитет и развој.“ […]
Европската комисија предлага осовремување на правилата за заштита на личните податоци кои се дефинирани во 1995 година кога Google се уште беше во гаража, и да воведе правила кои ќе го лимитира собирањето податоци и креирање можност за граѓаните „да бидат заборавени“ по користење на веб сервисите.
Целта ни е да креираме единствен дигитален пазар, поголема онлајн доверба и брз интернет за сите, вели еврокомесарката за информатичка технологија Нели Крус во интервју за Silicon Republic, коментирајќи ја европската Дигитална Агенда која доколку Македонија стане ЕУ кандидат (и член) ќе мора да ја следи. „Ние ги зацртавме процесите кои креираат единствен дигитален пазар, […]
Интернет пенетрацијата во Европа е 58.4%, со отприлика 475 милиони корисници. Во остатокот од светот интернет пенетрацијата е 24 отсто. Европските земји се едни од најразвиените земји во светот, кај некои како Исланд, Норвешка, Шведска над 90 отсто од населението имаат брз интернет пристап.
Според Article 29 работната група на ЕУ за заштита на податоците трите најголеми интернет пребарувачи не работат според европските директиви.
Европската Унија ја објави дигиталната агенда која треба да донесе пристап до широко појасен интернет за сите европски граѓани, да ја подобри онлајн економијата и да инвестира во нови ИТ иновации. „Дигиталната технологија го допира секој дел од нашиот живот. Ни дава нови начини да се поврземе и ги трансформира нашите болници, школи и транспорт […]
Европската унија ги казни Samsung, Hynix, Infineon, NEC, Hitachi, Mitsubishi, Toshiba, Elpida и Nanya со 331 милион евра бидејќи ги местеле цените на DRAM меморијата. Најголемата казна од 160 милиони евра ја доби Samsung. Во картелот бил вклучен и Micron но таа компанија ќе добие имунитет бидејќи ја открила измамата и соработувала со властите.
Секое домаќинство мора да има широкопојасен интернет по пристојна цена до 2013 година, со конечна цел 100% од европските домаќинства да имаат брз интернет до 2020 година и да бидат едуцирани да се вклучи во дигиталното општество, пишува во резолуцијата за развој на 2015.еu дигиталната агенда. Освен интернет дома, ЕУ сака 75% од мобилните телефони да имаат 3G интернет до 2015 година.
Пиратската партија доби второ место во Европскиот парламент, благодарејќи на Чешка која го ратификува Лисабонскиот договор со кој парламентот се прошири за 18 места. Од тие додатни места, едно припадна на Амелија Андерсдотер, членка на шведската Пиратска партија. Таа стана најмладиот парламентарец во Европскиот парламент со само 21 година. „Мојата политичка амбиција вклучува целосна ревизија […]
Intel се најде повторно на суд поради монопол и манипулација на пазарот со цел да ја отстрани конкуренцијата. Овојпат компанијата е тужена од државата Њу Јорк откако по 20 месечна истрага се откри дека Intel нудел „специјални“ попусти вредни милијарди долари на Dell, IBM и Hewlett-Packard за да ги користат Intel-овите процесори наместо тие на конкурентите.
Францускиот парламент со 285 гласа за и 225 против го усвои контроверзниот HADOPI 2 закон. Ова е втора верзија на законот од три чекори со кој властите ќе можат да ги исклучуваат од интернет сите кои споделуваат пиратска содржина. Пиратите првите два пати ќе бидат опоменати преку имејл, односно писмо, а третиот пат кога ќе бидат фатени да споделуваат содржина ќе бидат исклучени од интернет.
Article 29 групата составена од експерти за заштита на податоците и приватност и дел од Европската Комисија, смета дека користењето на OpenID платформи може да ги злоупотреби личните податоци на корисниците. OpenID е платформа како Facebook Connect и др. која овозможува користење на едно корисничко име за повеќе платформи и овозможуваат овие платформи да бидат вклучени на други сајтови, пример коментирањето на IT.com.mk функционира преку Facebook Connect, односно можете да оставите коментар преку логирање со вашиот Facebook профил, без да отварате корисничко име директно на сајтот.
Шведската Пиратска партија на избори низ Европската унија за гласање на идните парламентарци освои 7.1 отсто од гласовите со кои влезе во Европскиот парламент. Со едно место од околу 700 парламентарци, пиратите нема да бидат во позиција да го сменат расположението кон споделувањето на фајлови или редизајнирање на начинот како авторските права функционираат, нивните две цели.
Брз интернет е пасош до информатичко општествo и е важен фактор за економски развој - рече Вивиан Ридинг комесар за Информатичко општество и медиуми на Европската Унија, за проектот на ЕУ за брз интернет пристап за сите европејци, вклучувајќи ги и руралните средини, до 2010 година.
