Ова истражување е направено со индивидуи од 16 до 74 години во домаќинства каде се користи интернет повеќе од една година, најголем дел во вториот дел на 2010-та. Според пријавените проблеми од разните земјите-членки, најмногу проблеми се пријавени во Бугарија (58%), Малта (50%), Словачка (47%), Унгарија (46%) и Италија (45%), а најмалку во Австрија (14%), Ирска (15%), Финска (20%) и Германија (22%).
Во времето на испитувањето, 4% од вкупните испитаници пријавиле дека страдале од злоупотреба на личните податоци или други слични прекршоци, од каде најмногу во Бугарија (7%) и Италија и Холандија (6%). Во исто време, 3% пријавиле финансиска загуба поради измама, од каде најмногу во Латвија (8%), Обиденетото Кралство (7%) и Малта и Австрија (5%).
Eurostat вели и дека 84% од вкупниот број на испитаниците користат анти-вирусни решенија, од кои преку 90% од корисниците во Холандија (96%), Луксембург, Малта и Финска (91%), но помалку во Латвија (62%), Романија (64%) и Естонија (65%).
Во 2010 година, 14% од испитаниците кои користат интернет во последнaта година и живеат во семејство со деца имаат инсталирано софтвер за филтрирање на мрежата. Најмногу од нив живеат во Луксембург и Словенија (25%), следени од Франција (24%), Данска, Австрија и Обединетото Кралство (21%) и Финска (20%).
Од сите испитаници кои живеат во семејства со деца 5% пријавиле дека нивните деца гледале несоодветни страници или биле во контакт со потенцијално опасни личности. Најмногу од овие пријави потекнуваат од Италија(11%) и Латвија (9%). Мора да се напомене, велат од Eurostat, е дека овде се работи само за оние родители кои станале свесни за овој пробаме, односно дознале дека тоа се случува, па овде бројката може да е многу поголема.
Истражувањето на Eurostat ќе го најдете тука.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
A1 Македонија 
