Canonical ја објави новата верзија на Ubuntu 12.10, позната под кодното име Quantal Quetzal. Оваа издание на Ubuntu ќе биде поддржано во последните осумнаесет месеци, односно до април 2014 година.
Новостите кои ни доаѓаат со Ubuntu 12.10 кој работи на кернел верзијата 3.5 и GNOME 3.6 околината (со Unity интерфејс), се тоа што оваа издание нема да може да го сместиме на едно обично CD, не постои алтернативна верзија за инсталација, односно сега има повеќе верзии како: Ubuntu Desktop, Ubuntu Server, Ubuntu Cloud Server, Ubuntu ARM, Ubuntu Netboot и Ubuntu Core. Покрај тоа, целосна енкрипција на хард-дискот е можна уште од самата инсталација, додека другите промени се сведуваат на новите верзии на програмите и подобрувања во Unity интерфејсот.
Unity Web Apps
Уште една новост во Ubuntu 12.10 е новата Web Apps технологија која овозможува лесно интегрирање на веб-сајтовите во самиот Ubuntu десктоп, односно Unity панел и со тоа му се овозможува на корисникот директен и брз пристап.
Оваа функција ја поддржуваат веќе BBC, CNN, Reddit, Google News, Google Reader и уште многу други, па така преку вашата работна околина ќе можете да ги прегледувате најновите содржини и да добивате известување кога е објавена нова содржина.
Ubuntu Previews
Друга промена поврзана со Ubuntu Dash-от е можноста наречена „Previews“ која овозможува прегледување на различна содржина директно од работната околина. Previews поддржува прегледување на апликации, фотографии, видеа, музика (истите може да бидат пуштени директно преку Dash-от), PDF и некои други формати.
Три нови леќи – Social, Shopping и Photo
Social (Gwibber) леќа е интегрирана и може да се користи за проверување на вашите Twitter и Facebook профили, а со десен клик врз пораката можете да одговорите на некоја порака, лајкнете некој статус или слика и слично.
Исто така, во пребарувањето е овозможено и прикажување на продукти за купување како што се книги, музички албуми и сл., а во леќата со фотографии можете да ги прегледувате сите фотографии на вашиот компјутер, како и тие споделуваните од вашите пријатели на Facebook и Twitter.
Доколку сакате да го оневозможите онлајн пребарувањето, исклучете ја опцијата „Include online search results“ која се наоѓа во System Settings > Privacy.
Останатите промени во Ubuntu 12.10 се однесуваат на новите верзии на апликациите, визуелни подобрувања на LightDM екранот за најавување, подобрување на менито за пораки, подобрен изглед на светлата тема, нови позадини и поедноставено GRUB мени за бутирање.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
IT Labs 
чекајте си 13.04 :) не го аресувам 12.10
која е најслабата конфигурација на која може да работи овој оперативен систем?
https://help.ubuntu.com/community/Installation/Sy…
Користам убунту како главен ос веќе неколку години и искрено многу сум задоволен од последните 2 верзии.
Сега око ми фати elementary os, оперативен систем базиран на убунту со sleek интерфејс и подобрен user experience. Чекам официјална бета и ќе преминам. Го препорачувам на сите кои уживаат покрај функционалноста и во дизајнот на оперативниот систем.
Престанав да користам Ubuntu кога за првпат го вметнаа Unity – катастрофа беше интерфејсот, а и не беше воопшто стабилен. Сега како што гледам, солидно е исполиран интерфејсот, верувам и дека стабилноста е подобрена, мада според тестовите на Phoronix – 12.10 е малку поспор од неговиот претходник.
Јас само што направив надоградба од 12.04 на 12.10 и ми се појави еден проблем, односно ми го пребриша reslove.conf фајлот. Со тоа ги избриша сите DNS и што ги имав користено, и автоматски немам интернет. Подобро направете си backup на битни фајлови
Кога правиш надградба те прашува системот дали сакаш да го задржиш стариот фајл или сакаш да го замениш со новиот. Затоа внимателно гледајте за кој фајл се работи и што содржи, пред да кликнете риплејс.
Јасно јасно, само што ме праша за 2 фајла, php.ini и еден друг што го користам, и тоа е тоа. Затоа и се зачудив