Извршниот директор на Nokia, Стефan Илоп не е загрижен од можното влегувањето на Microsoft на пазарот со Surface Phone, туку се радува на што е можно повеќе конкуренција за Windows 8 телефоните, пред се од Microsoft, но и од останатите производители.
Причината е едноставна. Колку повеќе производители толку е побогат пазарот со уреди и екосистемот е попопуларен. Г. Илоп ја поздрави шпекулацијата дека Microsoft ќе излезе на пазарот на паметни телефони со сопствен уред.
„Ги охрабруваме HTC, Samsung и Microsoft и сите други да исфрлат уреди на пазарот и да инвестираат со цел да се подигне „екосостемот“.“, изјави г.Елоп.
Директорот на Nokia навистина е во право. Во моментов иднината на Windows 8 телефоните е речиси целосно на грбот на Nokia која ги има телефоните Lumia 820 и Lumia 920, но во исто време речиси е извесно дека и иднината на Nokia сега зависи од успехот на Windows 8 телефоните.
HTC и Samsung најавија дека ќе имаат свои телефони со Windows 8 оперативен систем, но барем засега, за нив прв избор на платформа е Android и ако ништо друго пазарот на мобилни телефони покажува дека корисниците во најголема мерка сакаат разновидност.
И покрај конкуренцијата г.Илоп е убеден дека Nokia телефоните ќе бидат подобри од останатите Windows 8 паметни телефони. За жал изборот на оперативен систем во минатото им направи многу проблеми, од NOS па до Symbian. Да се надеваме дека Windows 8 телефоните се вистински избор за поранешниот фински гигант.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
