Claxi 
Закажан е последниот Startup Grind Skopje за 2015-та година. Датумот е 18-ти декември, петок, во Јавна соба, а честа да ја затвори сезоната ќе ја има Бранко Трајковски, основач на Bransys и на Claxi, апликација за превоз кој може слободно да ја наречеме „македонскиот Uber“.
Г. Трајковски ќе говори „како од гик да се претворите во директор“ и основач на стартап кој треба да го изградите од нула. Како да освоите нови пазари, како да дојдете до први вработени и како конечно да го претворите вашиот стартап во стабилен бизнис. Говорот ќе биде базиран пред се од искуствата на Claxy, како од позитивните, така и од предизвиците и грешките.
На настанот се поканети сите заинтересирани кои сакаат да се дружат со стартапи, претприемачи и инвеститори; да споделуваат идеи и да пијат пиво. Без грижа, Claxi, како поддржувач на кампањата против возење под дејство на алкохол, ќе обезбеди превоз дома. Настанот започнува во 17:30 часот, а по предавањата ќе има Silicon Drinkabout Skopje, неформална дружба на македонската стартап заедница. Место на настанот треба да го резервирате преку Eventbrite по цена од 300 денари во која е вклучена програмата, пиво, дружба, споделување на знаења и ваучерот во износ од 100 денари од Claxi.
На финалниот Startup Grind Skopje ќе бидат претставници и од South Central Ventures, европскиот фонд кој има 40 милиони евра за инвестирање во балкански стартапи. Овој фонд не организира настани и рунди за апликации, но е отворен за комуникација и сакаат да запознаат македонски стартапи во кои би инвестирале од десетици илјади евра до милиони.
How to prepare your #startup to scale up? Get ready to learn from the @CLAXI_NET story on our next Startup Grind! pic.twitter.com/mycO3AoyX0
— Startup Grind Skopje (@StartupGrindSK) December 6, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
