Најнови написи, вести, анализи, рецензии и практични совети за Веб. Следете IT.mk за релевантни ИТ информации, технолошки трендови, локален контекст и искуства од македонската ИТ заедница.
Oд едноставни текстуално базирани сајтови во 1990-тите, преку Flash, па појавување на Javascript и CSS, до HTML5 базирани сајтови со мобилни верзии... веб дизајнот евулуираше навистина многу за да се креираат сајтови како што имаме денес - полни со динамична и интерактивна содржина со видео и веб апликации. Сигурно се прашувате што не очекува следно?
Soundcloud е популарна аудио платформа за споделување музика, која во моментов тестира опција Taking Questions со која фановите и музичарите можат да дискустираат за парчето музика, за семплот, за миксот, за песната...
Мicrosoft го објави првиот преглед на платформата на Internet Explorer 10, иако 9-ката беше објавена само пред месец дена. Најверојатно бидејќи IE 9 беше изграден од почеток, им дозволи на Microsoft полесно и побрзо да го надградуваат прелистувачот кој и покрај „револуционерниот“ редизајн пак е далеку зад новите Chrome 10 и Firefox 4 според популарноста и функционалноста.
Google доби идеја да го додаде +1 копчето за да се споделуваат резултатите, а Crossrider ја продолжи таа идеа креирајќи Google +Like додаток за Firefox, IE и Chrome со кој се додава Facebook Like копчето до резултатите од пребарувачот.
Ерик Шмит се повлече оставајќи го директорското место во Google на еден од двајцата основачи Лери Пејџ кој веднаш по доаѓање на позицијата направи реорганизација на компанијата.
По неколкуте успешни преноси во живо на големи концерти, интервјуа и спортски натпревари, YouTube донесе одлука да овозможи постојано следење на настани во живо преку платформата youtube.com/live.
Покрај екстензиите, Google објави и веб базирана, достапна преку секој десктоп прелистувач, Page Speed алатка за оптимизирање на брзината на веб страните, за рангирање на брзината на сајтот и давање сугестии за како да се подобри истиот.
Google отвори работно место за авто комплетери, односно луѓе кои ќе куцаат автоматски сугестии додека корисникот од другиот крај се обидува да пребарува.
Друштвеното +1 копче на Google е наменето за споделување препораки директно во резултатите од пребарувањето или рекламите. Ова е вид конкуренција на Facebook Like и почеток на Google-овите друштвени слоеви за поврзување на неговите сервиси.
Yahoo! Messenger ги цензорира FilesTube линковите кои ги праќате, без да ве извести ни вас, ни другата страна, пишува Тorrent Freak. Не е познато дали ова се случува на клиентската или серверската страна, што покренува многу сомнежи за мониторирањето на пораките кои ги разменуваме.
Знаевте дека Opera е од 1995-та година стартуван како конкуренција на Netscape кој беше доминантен со 86% од пазарот? Или дека Opera беше единствен сериозен конкурент на озогласениот Internet Explorer 6 во 2001-ва година, пред да се појават Phoenix/Firebird и Safari во 2002-ра популаризирајќи го прелистување преку табови.
Talk Guru е експирементален сервис на Google Labs преку кој може да добивате информации за спорт и време со праќање на инстант порака до ботот преку инстант месенџерот Gtalk (го има и во Gmail).
Mачките, фејлови, цртежите од тролови кои подоцна ќе станат интернет мемиња, популарни слики користени за се и секаква шега, стануваат доста сериозен бизнис. Дел од неодамна собраниот 30 милиони долари вложен капитал Cheezburger го искористи во проширување на својата империја додавајќи го Know Your Meme за сума со седум цифри.
Amazon Cloud Player за Веб и Android е сервис кој овозможува закачување на музика и нејзино архивирање во облакот, правејќи ја достапна од било кој компјутер или Android телефон.
Bing ги објавија новините кога се работи за пребарувањето на мобилните уреди: m.bing.com подобро и побрзо пребарување на слики, насоки во реално време, пребарување на апликации за iPhone итн. Овие новини се достапни за Android и iOS, но не и за Windows Phone 7, кој во моментов не поддржува HTML5, па овие промени за неговите корисници ќе бидат достапни во текот на годината.
За 24 часа Firefox 4 е симнат 7.1 милиони пати. Ова е скоро три пати повеќе од симнувањата на неодамна објавениот Internet Explorer 9 со 2.3 мил. за 24 часа, но и за 1 милиони покусо од претходниот рекорд од 2008-ма кога Firefox 3 се симна околу 8 милиони пати за 24 часа.
Интересно, тинејџерите не се најактивната група во мобилното социлизирање. Жени од 35 до 54 години се најактивни. Уште поинтересно, мобилни игрите се најкористени на мобилните телефони. Дури 61 отсто oд корисниците играат игри, вели инфографикот на Microsoft Tab блогот.
Yahoo објавија своја верзија на Google Instant, алатката која прикажува резултати уште пред да го допишете клучните зборови кои сакате да ги пребарате.
Page Speed на Google се користи за да ги опримизираат веб страниците на кои работат. Досега оваа алатка ја имаше само како екстензија за Firefox, а отсега може да ја инсталираат и Chrome корисниците. Секако, Google за овие корисници нудат една подобрена верзија, која е достапна на 40 јазици.
Google го пушти Chrome 11 во бета со кул новини само ден откако се објави новиот Firefox 4 кој се уште се симнува, моментално се симнати 5.6 милиони „огнени лисици“.
