+1 копчињата ќе се појавaт веднаш до резултатите од пребарувањето и Google АdWords рекламите. Пример, како што објаснува Google, планирати пат во Калифорнија. Кога пребарувате ќе може да видите +1 од вашата тетка која сака слалоm скијање покрај резултатите. Или ако пребарувате рецепти за тестенини, ќе видите +1 од вашиот пријател кој е кулинарен гение.
„Убавината на +1 е релевантноста – ќе ги добиете правите препораки (бидејќи доаѓаат од луѓето кои ве интересираат) во право време (кога барате информација за темата) и во прав формат (во вашите резултати од пребарувањето).“, вели Google.
За целосно функционирање на +1, потребнo е да сте логирани додека пребарувате на вашиот Google профил, кој неодамна беше редизајнирани да бидат подруштвени и наликуваат малку на Facebook профилите.
Ова препорачување на резултатите, и Google AdWords, може да ги натера корисниците да ги користат се почесто Google профилите, да се поврзат преку нив и евентуално да се креираат „друштвените слоеви“, кои како што гледаме сега се користат за субтилно персонализирање на услугите на сервисите, наместо, споредено со Facebook, да се користат за дружење и споделување содржина.
За пријатели на вашиот Google профил се водат сите ваши контакти од Gmail, Google Talk, Google Contacts, Google Reader и Google Buzz, a наскоро може да се видат и луѓето поврзани преку не-Google сервиси како Twitter или Flickr, за кои беше откриено дека постојат опции во Google Profiles, само не се активирани.
Наскоро се очекува да го видиме +1 копчето и на веб страни. Google вели дека тоа ќе го видиме во наредниве месеци, но нема детали како тоа ќе функционира на веб сајтовите.
Google +1 ќе стартува првин на англиски на Google.com, но доколку го немате може да го вклучите од тука.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
