Софтвер вести, анализи, алатки, апликации и практични водичи за продуктивност, развој и дигитална работа. IT.mk ги следи најважните софтвер трендови за корисници и професионалци.
ReadWriteWeb го најавија софтверот кој за првпат ќе биде презентиран во живо на Mobile World Congress во Барселона следната недела, а ќе овозможува Android апликации да работат на не-Android телефони. Компанијата за мобилна технологија која го овозможува овој софтвер се вика Myriad, а софтверот се нарекува Alien Dalvik.
Microsoft објави Chrome екстензија за Windows корисниците со која ја враќа поддршката на H.264 видео кодекот во прелистувачот на Google.
Новиот Chrome премина од beta во сосем стабилна верзија и донесе неколку новитети како: WebGL, Chrome Instant и Chrome Web Store.
Во Motorola Xoom таблетот, длабоко закопана во опциите, се наоѓа опција Encrypt Тablet, која е опција за енкриптирање на сите лични податоци на таблетот со лозинка или PIN број, открива Engadget.
Google објави веб базирана верзија на својата продавница за Android која сега брои над 100.000 мобилни апликации. До сега до Android пазарот можеше да се пристапи само директно преку мобилните уреди, додека постоеја разни независни-од-Google веб сајтови кои нудеа листи и преглед на мобилните апликации.
Android 3.0, или попознат како Honeycomb, е оперативен систем комплетно наменет за таблет компјутерите. Со Honeycomb, најавен за наскоро, без официјален датум, ќе стартува плејада на Android таблет компјутери од најразновидни произведувачи. Ова ќе го промени досегашниот пазар на таблет компјутери каде во моментов кралот е Apple со над 15 милиони продадени iPad-и, во исчекување наскоро да се појави и iPad 2 со две камери, USB и SD порт...
Аpple поставија личен рекорд, поминувајќи ја зацртаниот лимит од 10 милијарди симнати апликации од нивната продавница. Еден од факторите кои допринесоа до овој неверојатен рекорд е претставувањето на таблет компјутерот iPad. Oвој пазар буквално ќе експлодира, носејќи профит од 185 милијарди од сите продавници за апликации до крајот на 2014, вели Gartner кои се водечки институт за истражување и анализа во областа на технологијата.
Google објави интересна табела на API-ја од своите сервиси распределени како периодната табела на елементи, каде секој „елемент“ е линк до соодветно API од соодветен веб сервис.
PlayStation Suite е платформа која, за почеток, ќе ги донесе PlayStation Оne игрите на паметните уреди кои работат на Android 2.3 Gingerbread оперативен систем, што е прв пат за Sony да дозволи нивите игри да се достапни за други платформи.
Research in Motion најверојатно ќе ја одбере Dalvik виртуелната машина за своите PlayBook и QNX уреди, пишува Boy Genious Report повикувајќи се на неколку извори.
Soluto е софтвер кој ги пронаоѓа и решава грешките кои го успоруваат компутерот, користејќи ја својата PC Genome база на податоци за софтверите генерирана од други корисници.
Аpple само што најави дека стигна до неверојатната бројка од 10 милијади симнати апликации од App Store, продавницата за апликации стартувана во јуни 2008 година.
Skype Toolbar додатокот за сите верзии на Firefox е деактивиран заради успорување на прелистувачот. Според Mozilla, во последната недела дена имало 40.000 срушувања на прелистувачот токму поради овој тулбар. Иако ова е проблем со тулбарот, Mozilla вели дека „просто кажано, на корисниците може да им се причини дека Firefox e спор.“
Според грешка во iOS 4.3 Beta 2 која прикажува PHOTOSTREAM_NO_NETWORK_WIFI порака, Gizmodo и 9to5 Mac откриваат дека Apple спрема нов сервис за споделување фотографии со пријателите, налик на споделувањето фотографии на Facebook, кое најверојатно ќе се појави со новиот iPhone 5 и iPad 2.
Му аплаудираме на Google за промената која е позитивен чекор за слободниот софтвер, неговите корисници и сите кои го користат Вебот, вели Слободен софтвер фондацијата коментирајќи за одлуката на Google да ја прекине поддршката за H.264 видео кодекот во Chrome прелистувачот, и да продолжи да го користи WebM проектот, во борбата на прифаќање на стандард за видео енкодирање. WebM е поддржан од Opera и Mozilla, додека H.264 е прифатен од Apple и Microsoft.
Тоа што е интересно кај Bubble Ball, популарна бесплатна игра на Apple App Store, е што играте е креаирана од американскиот осмоодделенец Роберт Неј, 14-годишен програмер-генијалец од Јута, кој играта ја објави под својата продукциска компанија Nay Games на 29-ти декември.
Apple има интересна визија за како технологијата треба да се развива, изјави експертот за Apple патенти Џек Пурчер за блогот Mashable кои претставија некои интересни идеи на Стив Џобс и Apple, на кои во во 2010-та им беа одобрени вкупно 563 патенти .
Студенти од Минхен направија видео во еден кадар во кое ја презентираа историјата на гејмингот, од играње тенис со две цртички и квадратче во 1958 година, преку Pacman во 1980-та, Donkey Kong, Sonic, Street Fighter II во 1991 година до Need for Speed, голф на Nintendo Wii и Rock Band. А што понатамо? Според минхенските студенти, сега не очекува виртуелната реалност.
Google во блог пост најави дека ќе ја тргне Chrome поддршката за патентираниот H.264 видео кодек кој е веб стандард, се користи од blu-ray дискови до куп разни веб сервиси и електронски уреди. Сега Google ќе го користи WebM и Theora видео форматите.
