Dell го објави 5 инчниот Streak таблет кој работи на Google Android кој е првиот од многуте вакви планирани продукти на Dell. Интересните карактеристики на Streak, малата големина и можност за телефонски повици, се наменети пред се за телефонот таблетот да биде лесен за користење додека се движите.
Преку 50% од околу 800.000 македонски корисници користат Mozilla Firefox, од нив над 100.000 користат локализиран Firefox, се спомна на денешнава средба на Mozilla заедниците од Балканот.
Дали мислите дека сте добар веб дизајнер? Имате вештини? Тогаш покажете го вашето дело и дозволете другите да ве оценат! Со цел да ги промовира дизајнерите од Македонија, IT.com.mk во соработка со Mk Host стартува натпреварување за најдобар и најинтересен веб дизајн.
Иако во полиста на Facebook стои дека дека „не споделуваме информација со рекламните агенци без ваша [корисничка] дозвола сепак друштвената мрежа го давала името и годините на корисникот, открива Wall Street Journal.
На Google I/O конференцијата Nvidia го претстави прототипот на Android базираниот таблет Tegra 2 кој користи ARM Cortex 9 процесор и има 1 GB меморија, има микрофон и веб камера, како и два USB портови.
Gizmodo отвори интересна тема - кој е поголем визионер, Бил Гејтс или Стив Џобс? Кога на All Thigs Digital во 2007 година го прашаа Бил Гејтс што е иднината на компјутерите за 5 години, Бил Гејтс не двоумејќи се одговори дека тоа се таблет компјутерите.
Vip Android предизвикот е натпревар за креирање Android апликации. Сите девелопери од Македонија се поканети да учествуваат во натпреварот, а најдобрата апликација ќе добие 500.000 денари и HTC Desire мобилен телефон. Второто место ќе добие 150.000 денари и HTC Legend, а сите одобрени апликации од Android Store ќе добијат HTC Tattoo.
Од причина што за многумина при купувањето на хард диск постои дилема кој хард диск е добар а кој полош решив да ја започнам темава со презентација на краток тест на моите 2 хард дискови кои во моментов ги употребувам, пишува Ѓокица, член на форумот, при тоа објавувајќи слики од резултати на тестови за перформансите на хард дисковите направени со HDTune алатката.
Ниту една реклама не може да биде толку ефективна како корисничкото искуство.
РобоМак е натпревар во роботика, организиран со цел да ги популаризира роботите меѓу студентите. РобоМак 2010 се одржа изминатиов викенд, а подолу ќе најдете слики и видео од настанот кој е организиран од Институтот за електрични и електронски инжинери (IEEE) и Европска асоцијација на студенти по електроника (EESTEK).
nCountr објави интересен туторијал како да се промени темата на Windows 7.
Првиот собир на балканските Mozilla заедници ќе се одржи во Скопје на 22-ри мај, во амфитеатарот при Факултетот за електротехника и информациски технологии (ФЕИТ). Целта на настанот е да се запознаат Мozilla заедниците, како и да разменат идеи и да ја зајакнат меѓусебната соработка. На настанот ќе присуствуваат и преставници од Mozilla организацијата од Франција и Америка.
Колкави се платите на програмери во Македонија?
Од организирање протести до објавување на најновите продукти и наоѓање пријателства, Facebook стана важен фактор во секојдневието на околу 692.000 корисници од Македонија. Тоа значи дека за само два месеци, од фебруари, додатни 150.000 луѓе си отворија профил. Неверојатно, скоро 1/3 од Македонија е на Facebook.
200.000 апликации на Apple App Store докажуваат дека Flash не е неопходен за десетина илјади девелопери да креираат графички богати апликации, вклучувајќи ги и игрите, вели Стив Џобс во отворено писмо во кое објаснува зошто Flash го нема на Apple-овите мобилни уреди.
Со цел полесно да дојдеме до информација за тоа што се нуди на нашиот пазар во поглед на компјутерски хардвер, најпрактично е кога IT продавниците имаат на својот веб сајт и ценовници со нивната понуда на компоненти.
Пред некој ден читав за успешно формираната Пиратска Партија на Бугарија, една од повеќето европски пиратски партии, пишува HijackHacker на форумот на It.com.mk.
Тоа што ме испровоцира да го напишам овој текст е Facebook групата „***ФејсбукОТ***почна да станува досаден(озбилно)“. Како дојде до ова најуспешната социјална мрежа да стане досадна?! Па нели беше најинтересна работа, дури и кога некој ќе праша некого за излагање, не вeлиш дојди на MSN (Windows Live Messenger), туку ајде на Facebook ќе се договориме.
Прирачникот „Како да го направите компјутерот полесен за употреба – пристапни опции во Edubuntu LINUX“ е издаден во рамките на проектот „Лицата со хендикеп се активни граѓани“. Авторите Арангел Ангов и Радмила Стојковска Алексова ги опишуваат пристапните опции во Edubuntu LINUX, кои им овозможуваат на лицата со хендикеп (на пр. со оштетувања на видот, моторни нарушувања, интелектуална попреченост) да го користат овој оперативен систем. Прирачникот го издава фондацијата Метаморфозис, центарот за лица со хендикеп Отворете ги прозорците и Слободен Софтвер Македонија.
Министерството за внатрешни работи стартува нова услуга за граѓаните кои аплицираат за вадење патни исправи и возачки дозволи. Плаќањето на задолжителните таксени марки ќе може да се изврши преку СМС порака на телефонскиот број 144166 (со префикс на кој било од трите мобилни оператори –VIP, Т-mobile, ONE). При тоа е важно по испратената кодна порака, граѓаните да го задржат повратно добиениот трансакциски код кој што ќе треба да го сочуваат и презентираат пред шалтерскиот работник.
