Има некои идеи кои сакаме сите компании да ги ископираат, вели Apple во својата нова реклама за еколошките напори на компанијата. Рекламата, која се појави во британските весници Guardian и Metro за Денот на планетата Земја, индиректно ги подсмева Samsung со кои Apple е на суд поради копирање на патенти и технологии од iPhone.
Apple ad on back cover of this morning's Metro: 'There are some ideas we want every company to copy'. pic.twitter.com/RNbgBNtjHZ
— David McClelland (@DavidMcClelland) April 22, 2014
Во рекламата Apple вели дека компаниите треба да го „имитираат“ нивниот еколошки напор бидејќи „ако ја ставиме екологијата како приоритет, сите ќе добиеме“. Рекламата е за еколошките иницијативи на Apple со кои сака да го намали јаглеродниот отпечаток и токсините од своите продукти, како и користењето на зелената енергија, главно сончеви панели, како енергија за своите огромни центри за податоци.
„Би биле пресреќни ако секој центар за податоци работи на 100% зелена енергија. Едвај го чекаме денот кога сите продукти ќе бидат направени без штетните отрови кои што ги отстранивме од нашите продукти…“, вели Apple. „Така следниот пат кога ќе дојдеме до добра идеја што ќе ни помогне да го оставиме светот во подобра состојба од која го најдовме, ќе бидеме радосни да ја споделиме“.
[youtube]EdeVaT-zZt4[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
