По осум месеци и еден милион iOS корисници, Frontback, апликацијата за сликање со предната и задната камера одеднаш, е достапна и за Android. Frontback е уникатна и популарна бидејќи го следи трендот на „селфито“, па освен што ќе ги фотографирате пријателите, истовремено може да се фотографирате и себеси во истиот момент, или пак ако веќе сакате селфи, тогаш ќе направите комбинација со пејсажот. Android верзијата е иста како iOS, но има и офлајн мод за фотографирање, што ќе биде достапно наскоро и за iPhone. Штом ќе се закачите на интернет, ќе може да ги споделите сликите, да ги тагирате пријателите или да ја одбележите локацијата.
