Податотеките содржат имиња и презимиња на корисниците, единствениот матичен број од кој можат да се дознаат датумот и местото на раѓање, пренесува Global Voices Online. Линковите се откриени на 8 декември, а отстранети се 4 дена подоцна, на 12 декември. Сосем е извесно дека податоците во овој период се преземани, но не постои начин да се дознае од кого и колку пати. Се отфрла можноста на хакерски напад, бидејќи како што велат од фондацијата Share, хакерите би дошле до многу помал број на информации.

„Oсвен директно користење на овие податоци, можна е злоупотреба и преку социјален инжинеринг. Понекогаш е доволно да се јавите во некоја компанија со која имате договор и само со име, презиме и единствениот матичен број да побарате други податоци или да откажете одредени услуги. Во погрешните раце, вакви податоци можат да доведат до масовно крадење на идентитет, и затоа властите мора да ги преземат сите мерки да не дојде до посериозни последици за граѓаните чии податоци се корумпирани“, велат од фондацијата.

За сега е нејасно и која е причината за протекување на овие податоци, односно дали станува збор за грешка или намерен пропуст. Случајот е под истрага на Канцеларијата на комесарот за информации од јавен карактер и заштита на лични податоци. Според Share, освен истрагата ќе мора да се отвори и дебата за колку и какви лични податоци собираат властите, и како се тие заштитени.

„Загрижувачки е што граѓаните во моментот не знаат кои се јавни институции ги собираат нивните податоци, кои податоци ги собират и обработуваат, и каде се чуваат тие податоци, на кој начин се заштитени, и кој тачно има пристап до нив и за кои цели (медиумите велат дека повеќе од 300.000 институции работат со личните податоци на граѓаните). Како, посебно во почетокот на 21-от век податоците се водат како економски ресурс, немање транспарентнот ја ограничува одговорноста на јавните институции и овозможува корупција, посебно во државните институции кои чуваат чуствителни и пазарно вредни податоци, или донесуваат одлуки за граѓанските права автоматски преку обработка на личните податоци“.