Македонските власти поднеле помалку од 10 барања за да се тргне од сервисите на Google. Скоро сите реакции се од Дирекцијата за заштита на лични податоци, додека „најпопуларните“ содржини на YouTube исполнети со радикален говор на омраза и повик за убиства и криминал остануваат достапни за јавно и кретивно дебатирање. За тие видеа Оделот за компјутерски криминал на МВР не е заинтересиран велејќи „треба прво да се пријават“.
Шпанската Telefonica, France Телеком и Deutche Telekom, незадоволни што преку нив оди огромниот интернет сообраќај генериран од видеата на YouTube, побараа Google да им плаќа дел од приходите од рекламите на видео сервисот, пренесува Financial Times.
Најпопуларниот видео сервис, и втор најголем интернет пребарувач, стартуваше нов дизајн на страната за гледање видеа.
Секоe YouTube видео се симнува додека го гледате. Симнувањето продолжува и доколку кликнете пауза. Ова може да биде проблем на многумина корисници кои имаат лимит на својот интернет сообраќај, пример 10 или 15 гигабајти, посебно може да биде проблем кога ќе се одбере подолго видео за потоа да се сфати дека е погрешно или воопшто не е интересно.
Секоја минута се закачуваат видеа со вкупна должина од 24 часа. „Ова е големо достигнување на нашата заедница и зборува мноуг за улогата на видеото ко е го има во поврзување и менување насветот, еден по еден аплоад . Што е следното? 30 часа? 36 часа? “ пишува YouTube на својот блог.
Автоматската транскрипција на YouTube видеата конечно е достапна за пошироката јавност, откако беше тестирана во затворена бета. Првичната цел на проектот е да се инволвираат глувите личности на сервисот и тие да можат да гледаат видеа, но со транскрипцијата добиваат и сите кои не знаат добро странски јазици бидејќи сега секој може да гледа видеа со македонски или албански титлови.
Ќе се жалиме на одлуката, вели Google откако италијанскиот суд пресуди 6 месечна затворска казна за двајца (поренешни) извршни директори и советникот за приватност на Google Италија поради видео на Google Video во кое се гледа малтретирање на момче до Даунов синдром.
Доколку сакате, а не можете да се возите со воз низ Транс-сибирската железница која поминува низ 2 континенти, 12 руски региони и 87 градови, тогаш не очајувајте. Google заедно со Руската железница стартува веб сајт со виртуелна тура од Москва до Владивосток без да се мрзнете на ниските руски температури. Иако правото патување е многу подобро, сепак виртуелна тура е одлична алтернатива.
Непознати луѓе кои го снимија со мобилен убиството на Неда Солтан за време на иранските протести се наградени со американска награда за новинарство.
Најпопуларниот видео сервис станува видеотека. YouTube тестира опција за изнајмување на филмови од филмскиот фестивал Sundance. Опцијата е едноставна - плаќате 4 долари за филм кој можете да го гледате во период од 48 часа колку пати сакате.
Еве уште една неверојатна приказна која го вклучува YouTube, мал буџет, но голема креативност и огромен успех. Се работи за „Panic Attack" краток филм на уругвајскиот продуцент Феде Алверез. Откако го закачил краткото видео на YouTube, само по неколку дена, холивудските студија започнале да му тропаат на врата и му понудија филмски договор вреден 30 милиони долари!
После Обама, Кралското семејство на Британија, претседателот на Франција, Саркози, Ватикан... сега и владата на Ирак стартуваше свој YouTube канал. „YouTube каналот на ирачката влада е официјален канал наменет да се публицизира најважните активности на владата преку видео извештаи и состаноци.“ пишува на каналoт Iraqgov. Несомнено е дека YouTube овозможува на луѓето и политичарите, поточно владите, да имаат подиректна комуникација на лесен и едноставен начин. Запрашајте се каков контакт имате со македонските политичари? Освен на вести и на плакати воопшто не ги гледаме, а уште помалку имаме контакт и пристап до нив.
Моќта на технологијата, како блоговите, значи дека светот не е веќе воден од елитата, рече британскиот премиер Гордон Браун во својот говор на TED Global конференцијата. Појавувањето на г-дин. Браун на конференцијата беше изненадувачки бидејќи на ТЕD, кратко од Тechnology, Entertainment, Design зборуваат врвни мислители, иноватори и научници, секој експерт во своето научно поле. Можеби и Гордон Браун како експерт во политика, а не како политичар?
Јорданската кралица Раниа е дефинитивно личност од која и политичарите и ПР луѓето, невладините и хуманитарни организации можат да научат како да го користат интернетот за да пренесат порака. Кралицата Раниа е позната по својот YouTube канал на кој таа постираше видеа со цел да ги сруши стереотипите за муслиманите и арапите. Таа преку видео каналот бараше од корисниците да и праќаат прашања со цел да може да ги одговори и да ги објасни различните култури, религии и начин на живот.
Изреалскиот артист Офир Кутиел познат како Kutiman искористи аматерски музички видеа на YouTube, зеде семплови/парчиња од нив, ги измикса и направи свој оригинален албум. Откако го постира неговиот албум „Thru You“ за недела дена доби милион посети поради кои неговиот сајтот станува недостапен заради искористените ресурси.
You Tube објави конкурс за граѓанско новинарство, бараат видео вест направена од обичните луѓе. Видео прилогот треба да биде за некоја личност од вашата заедница, маало, друштво кој мислите дека е посебна и „светот треба да знае за него/неа“ како што вели Стив Гроу, кој ги води вестите на YouTube.Тој додава дека „од почнувањето на YouTube ИЛЈАДНИЦИ видеа направени од ОБИЧНИ луѓе раскажаа приказни и осветлија многу ситуации на начин кој не беше возможен ПОРАНО„.
