Што е саботна симс средба?
Неделна статија замислена да ја информира The Sims заедницата преку детално разгледување експанзии и бројни додатоци за култната симулација.Преку критичка посвета на бројните новитетите поврзани со додатокот, ве известуваме за тоа што најдобро функционира во поглед на механиките и на какви сѐ работи би можеле да наидете за уредување на вашиот дом.
Моментно, The Sims 4 има 17 главни експанзии, 12 game пакети, и 20 stuff пакети. Целта на оваа статија е заеднички да поминеме низ сите нив!
Претходните саботи пишувавме за:
The Sims 4: Cottage Living
The Sims 4: Cottage Living е експанзија која ја препорачуваме од две причини:
- Големи сте фанови на The Sims™ 4 Cats & Dogs и сакате уште бројни можности за дружење со домашни животни
- Уживате во вршење најразлични селски активности и опуштање во природа
Како единаесето проширување за The Sims 4, Cottage Living максимално се фокусира на живот на село и чување најразлични домашни животни во преубав нов свет. Паралелно со оваа, ќе наидете на нови, значајни активности поврзани со земјоделие, организирање саеми и многу повеќе! Кој вика дека е глупаво на село, очигледно не ги проверил потенцијалите на Cottage Living! :)
Селска идила во нов свет
Во Cottage Living имате целосно нов свет. Henford-on-Bagley или HOB е разеленето спокојно место, полно со интересни градби и луѓе. Но, покрај зелени површини, ќе наидете и на многу водени површини и езерца во кои симсовските со задоволство ќе запливаат. Инспирирано од британски села, HOB зрачи со интересни локации и разиграни животни. Доколку ја имате и експанзијата The Sims 4: Seasons, селцето се потопува низ четирите годишни времиња и зазема поразновидна димензија. Прилично сме задоволни од севкупниот дизајн, поставеноста на парцелите и веселата атмосфера која потсетува на свет директно извлечен од некоја бајка.
Животински придобивки
Селски живот без домашни животни не е живот. Токму поради тоа, Cottage Living ќе ви дозволи да изградите најразлични шупи, куќички и кокошарници за да чувате бројни кокошки, крави, лами, зајчиња и диви птици. Особено ни се допаѓа целиот систем поврзан со животните.
Па така, доколку ја измолзете кравата, млекото ќе можете да го измешате со јајцата од кокошките и брашното купено од локалната продавница за да направите вкусни јадења. Начинот на кој се приготвува храната е значително проширен, особено во поглед на правење и користење конзервирана храна.
Но, доколку не сте внимателни, ќе си имате проблем и со лисици. Овие слатки штеточини сакаат да си го пикаат носот онаму каде што не им е работа и доколку не се правилно справите со нив, никогаш нема да ги соберете потребните состојки за правење торта. Спомнавме и лама, но не и нејзината волна која ќе ви помогне да се занимавате со правење најразлични дизајни на материјал.
Нова професија: Cross-stitch
Со новата професија, ќе можете да му удрите клоца на варварското плетење и да се занимавате со пософистицирана, но еднакво женствена форма на правење најразлични дизајни.
Наспроти она што би мислеле, професијата е одлично осмислена. Ви дозволува да правите, поставувате или продавате претходно-дефинирани дизајни во три големини. Доколку вашата вештина е доволно висока, ќе можете да „дизајнирате“ било што со опцијата Cross from Reference
Градинарот цвеќето го расне…
Значи, можете да се дружите со диви птици и нескротени зајчиња, можете да крафтате најразлични работи, да собирате јајца, да молзете крави, или пак да се играте со животните. Cottage Living излезе дека е поголема експанзија од она што првично мислевме. Паралелно со сите овие активности, можете и да садите и одгледувате најразлични култури додека, нормално, уживате во пријатните звуци на целосно нова радио станица.
Во поглед на градинарство, можете да садите значително повеќе работи и да се залагате истите да се со запрепастувачка големина. А, во моментот кога ќе најдете во земјата нешто што ќе ги направи останатите симсовци да позеленат од љубомора, ќе можете да отидете на гратскиот саем и да го истакнувате вашето ремек дело пред сите. Овие саеми се случуваат често и пружат одлични можности за социјализација со комшиите.
Интересни факти за The Sims 4: Cottage Living!
– Оваа проширување позајмува бројни работи од бројни експанзии од претходните игри и често ќе наидувате на сличности поврзани со The Sims: Unleashed, The Sims 2: Seasons, и, подразбирливо, The Sims 3: Pets!– Низ претходните експанзии ламите често се споменуваат, но ова е првата експанзија во која се појавуваат
– Одредени животни имаат посебни моќи, особено за давање втора шанса живот
– Со оваа, 11-та експанзија, EA повторно започна да воведува бонуси за преднарачка, нешто што претходно мислевме дека е завршено со The Sims 3: Into the Future
– Една од поретки експанзии која воведува нова опција за WooHoo, овојпат во шупа :D
Каква облека ќе најдете во The Sims 4: Cottage Living?
Create a Sim режимот ќе ви дозволи да ги „дотерате“ вашите Sims ликови со 132 парчиња облека. Тимот се има потрудено да понуди најразлична облека, нешто што е целосно во тон со селските секојдневни активности.
Предизвик во едноставно живеење
Simple Living e нов предизвик според кој нема да можете ништо да готвите ако ги немате соодветните состојки претходно соберено од градината или купено.
Имате на располагање огромен број рецепти кои бараат најразлични намирници, така да, ако сакате поозбилен предизвик, гледајте ова да ви е активирано.
Какви предмети ќе најдете во The Sims 4: Cottage Living?
Build Mode, од друга страна, се одликува со 170 предмети за најразлични соби. Посебен акцент се дава на предмети поврзани со уредување на дворовите и куќите, се со цел да се воведе бајковите димензија.
Зошто да ја играте The Sims 4: Cottage Living?
The Sims 4: Cottage Living се одликува со бројни начини за социјализација и интеракција со бројни работи. Можете да:– да чувате лама
– одгледувате култури и да чувате животни
– да пишувате книга за горвење, како и да процесирате храна за во конзерви и тегли
– имате лама
– да нарачувате храна и да ја користите за организирање различни пикници
– да гледате како се менува изгледот на кравите во зависност од тоа што ги храните (во зависност од тоа, добивате и различно млеко)
– кажавме ли дека имате и лама?
– некои лами се шарени како да се виножито
– лама
– лама лама лама
– лама
– некои кокошки знаат да бидат златки и да имаат посебни моќи, некои кокошки, како што кажавме, може да бидат злобни и да направат озбилни проблеми
– животните можете да ги облекувате во различна облека. Ламите не се исклучок!
Дружба без граници
Тоа беше нашата петта статија за една од најпопуларните симулации. Се надеваме дека дел од работите што ги прочитавте ви беа интересни и дека ќе не пречекате и наредната недела каде под лупа ќе ставиме уште едно DLC создадено за моментните летни горештини!
Во меѓувреме, дали знаевте дека The Sims 4 неодамна ја доби 17-та главна експанзија? Целосно фокусирајќи се на љубовта, експанзијата Lovestruck излезе на 25 јуни и, покрај нови романтични механики, симс ликовите ги можат да се подноват и со нова облека и со нови предмети за нивниот дом. Прочитајте ја нашата рецензија тука!
Повеќе детали за играта
- Произведува: Maxis
- Издава: Electronic Arts
- Жанр: симулација
- Платформа: Microsoft Windows, конзоли
- Излезе на: 22 јули 2021
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
