Денеска започнува кампањата за новата игра од Final Frontier Games, Robin Hood and the Merry Men. На тимот на Final Frontier за оваа игра се приклучи Мартин Пул, кој заедно со Војкан Крстевски, Ивана Крстевска, Маја Матовска и Тони Тошевски ја дизајнираа играта. За изгледот на играта повторно е задолжен Тхе Мичо.
Подолу може да погледнете еден од кусите први погледи на играта. Robin Hood and the Merry Men е во топ 20 најочекувани игри во повеќе категории на популарниот сајт за друштвени игри Board Game Geek.
Robin Hood and the Merry Men е кооперативна игра во која играчите заеднички го спречуваат принцот Џон во неговото самоволие. Во играта играчите се во улоги на Робин Худ, Вил Скарлет, Литл Џон и Џејн Форчн. Во текот на играњето секако, присутни се најважните настани од приказната за Робин Худ, од заседите за кочиите со злато до турнирите во стрелање.
Ова е трет KickStarter проект на Final Frontier Games, претходните 2 проекти беа огромен успех. Креаторите на друштвени игри во Македонија Final Frontier Games и Archona Games, всушност се единствените кои може да се пофалат со успех на платформите за „crowdfunding“.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
