Ooshies, новата македонска апликација со слатки човечиња кои ве гушкаат, сега е достапна на Google Play. Апликацијата е всушност анимирана позадина на која може да си одберете слатко слонче, мече или слатка желка, кои откако ќе ги кликнете или ве гушкаат или прават некоја интересна анимација. Уште за време на тестирањето доби позитивни оценки бидејќи е неверојатно слатка, вели Иван Медо Димоски, еден од креаторите на Ooshies.
Како што кажа Иван претходно, Ooshies ќе биде со freemeium модел, односно дел од човечињата ќе бидат бесплатни, некои ќе се отклучуваат со игри или друштвено споделување, додека за други ќе се плаќа. Идејата е првин апликацијата да биде вирална, и тоа засега оди добро бидејќи сите им се радуваат на слатките карактери, дизајнирани од Верица Пиперовска. Третиот член на тимот за Ooshies е Java програмерот, Душко Јовановски.
Си имам ново гушкало, вие НЕБИТНИ @OoshiesApp <3 pic.twitter.com/uuutZqjgLj
— Jан А. (@Architweetka) November 10, 2014
Ooshies ја рецензиравме и на #ИТН, подкаст за информатика, технологија и наука, на IT.com.mk и Радио МОФ. Рецензијата на Ooshies почнува од 11-та минута.
ITN Podcast E3 by Radio Mof on Mixcloud
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
