Intel изработи нова верзија за своето mini-PC NUC. Новата верзија е малку поголема од претходникот но овојпат доаѓа со повеќе слободен простор. Зголемувањето на висината на NUC за околу 12 милиметри овозможува доволно простор за стандарден лаптоп хард-диск и без дополнителни модификации сега може да се користат хард-дискови до 1 TB кои се високи околу 9,5 милиметри, јавува Legit Reviews кои се едни од првите кои го добија уредот за преглед.
Со мали модификации (потребно е да се исечат горните држачи за дискот) корисниците можат да го зголемат просторот за хардиск до 15 милиметри, што би овозможило простор за хард-дискови со простор од 2 TB. Покрај ова мини компјутерот доаѓа со два DDR3 слота, мини PCI Express Wi-Fи слот, mSATA слот за SSD. mSATA слотот овозможува користење на помал SSD, како кеш за стандарден хард диск. Што се однесува до процесорот Intel ќе понуди i3 и i5 Haswell процесори. Разликата помеѓу новиот и постариот модел е 10 долари, а засега се чини дека побарувањето на овие производи е поголемо од производството па вообичаено NUC е распродаден.
.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
