Два македонски стартапи, u:Plug и Domino the Effect, завршија на второто и третото место на Startup Camp Rijeka, каде се претставија пред успешни претприемачи и ментори од Хрватска и САД, кои им помогнаа на 30-те регионални стартапи да креираат бизнис план во петте дена колку што траеше кампот.
Првото место го освои италијанскиот стартап ProntoApp за кој нема многу детали, но знаеме повеќе за следните два најдобри стартапи кои се (делумно) македонски. Второто место го освои u:Plug, хрватско-македонски стартап на Mитко Цабески и Хрватите ко-основачи Иван Јелушиќ и Даниел Рупиќи, чиј план е да го модернизираат домашниот штекер, претварајќи го во универзален полнач за мобилни уреди; третото место го земаа младите претприемачки Маја Илиевска и Ивана Станоевска со нивната Domino the Effect идеја за рекламирање преку материјали за достава. Девојките неодамна собраа нешто над 500 евра од краудфандинг преку LetsFundit.mk.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Startup Macedonia 
