Хрватскиот The Lokals е еден од поимпресивните NFT проекти на кои сме налетале

Non-fungible токените (NFT) сè уште се релативно нова технологија и веројатно најинтересната примена ќе ја видиме во блиска иднина – од употреба за верификација на оригиналност на документи и физички продукти, до разни примени во валидација и потврда на сопственост на дигитални добра, гејминг… или пак можеби сосема нови работи кои за сега е тешко да се предвидат. Во суштина, NFT има практична примена и е една од подобрите работи кои произлегоа од криптото (на ниво на употреба на технологија за конкретна намена), меѓутоа сосема се разбирливи и тврдењата дека NFT е чиста глупост бидејќи моменталниот тренд на NFTs е исклучиво пазарно нелогичен и свртен кон уметноста и поседување на некои сликички… што всушност е дигитална верзија на уметничките аукции. Независно, моменталниот тренд е тој и NFT возот врви со куп проекти на дневна основа, некои шаблонски искористуваат еден ист терк (штанцање на N број на уникатни сликички), додека други навлегуваат во малце подлабока имплементација. Има навистина кул проекти, дури и од неочекувани лица како манекенката Бела Хадид – нејзиниот Cybella – меѓутоа за нас, можеби еден од најкул NFT проекти коишто сме ги виделе до сега е The Lokals, кој ни доаѓа од регионот.

The Lokals е проект на малото сплитско мултимедијално студио Prime Renders Studio основано од браќата Миливој и Вељко Поповиќ. Prime Renders преку овој проект успева за прв пат да ја донесе блокчејн технологијата во анимираните филмови со тоа што сите оние кои што ќе купат некој токен од колекцијата ќе бидат инволвирани во некаква си улога во самиот проект – анимиран филм кој според трејлерот делува навистина фасцинантно (барем за нас :)). Студиото има искуство во поле на анимација и филмска индустрија, досега во 14 години колку што постои, успеа да собере 70 меѓународни награди. Дел од нивните клиенти се и: Netflix, CNBC, Financial Times, Lipton, HEP…

Еве како креаторите на Lokals го опишуваат филмот:

„Ќе патувате покрај Љубљана, низ Загреб и накај ќе стасате до крајот на железничката пруга во малото крајбрежно медитеранско гратче Сплит. Живописен лонец за мешање на идеологии, стилови на живот и идеи, сместен на раскрсница на пропаднатата социјалистичка идеја и ветувањето на американскиот сон…“

Oснова на новиот проектот на студиото е колекција од 5.000 NFT токени генерирани на блокчејнот на Ethereum. Локалците (The Lokals) е NFT колекција со над 5.000 уникатни карактери кои се продаваат за почеток по цена од 0.1 ETH. Сите карактери ќе си го добијат своето место во анимираниот Сплит, некои како работници, некои како музичари, некои како атлети, а некои како обични граѓани кои во анимираниот филм ќе се појавуваат како споредни актери.

„Станува збор за уникатна анимирана колекција од 5.000 NFT токени која живее на Ethereum блокчејнот, а ја изработивме во соработка со уметникот Божо Балов. Креирана е со спој на технологијата за виртуелна реалност, поточно програмата Quill и апликацијата Blender“, вели Миливој Поповиќ за Netokracija.

Дел од ликовите од колекцијата на Божо Балов може да ги погледнете на неговиот Instagram профил. Блокчејн договорот за овој проект е дело на хрватскиот стартап Blank.

Сопствениците на токените, не само што ќе поседуваат токени од карактерите, туку ќе бидат дел од историјата како сопственици и ко-продуценти на првиот филм со NFT. Сите кои сакаат да учествуваат во филмот можат да го направат тоа со купување на токен. Сè што е потребно е Metamask паричник и Ether токен.

Креирањето на филмот и споделувањето на целиот процес треба да има  и своевиден едукативен карактер кој на учесниците треба да им помогне да имаат увид во секој дел од креирањето на филмот. Оние кои не можат да купат токени за среќа можат да го следат развојот на филмот на Discord.

Bozo Balov (@bozo_balov) • Fotografije i videozapisi na Instagramu

„Ова е единствена можност да учествувате во него преку развој нас сценарио, аниматика, визуелизација, ликови, анимација и сè што е дел од еден анимиран филм“, додава Миливој.

Видео дневникот на авторите навестува дека ќе можеме да видиме носталгичен анимиран филм, фокусиран на поранешна Југославија и поп-културата од тој период. Сепак од она што можеме да го слушнеме ќе има простор и за поактуелни теми, на пример за Блејк Лемоин кој сметаше дека вештачката интелигенција развила самосвесност.

Засега „Локалци“ е во претпродукција и нема зацртан период во кој ќе може да го очекуваме филмот.

Што се дискутира на ИТ форум...Kоментари на статија (0)

Loading new replies...

Многу сум импресиониран.

одговори 2 лајкови

Импресивен е проектот, сепак нема поимресивен и поуспешен од легендарниот Bored Ape Yacht Club. Видео за суштината на NFT, најголемата измама што 21-виот век ја има видено до ден денес.

View: https://www.youtube.com/watch?v=XpH3O6mnZvw

одговори 2 лајкови

Импресивен е проектот, сепак нема поимресивен и поуспешен од легендарниот Bored Ape Yacht Club. Видео за суштината на NFT, најголемата измама што 21-виот век ја има видено до ден денес.

View: https://www.youtube.com/watch?v=XpH3O6mnZvw

Чекај малце.

Имам слушнато за овие ејповиве и имаше доста вести за нив, али сега прв пат ги отварам.
Сакаш да ми кажеш дека ценава пример за ова долу, е 154 илјади долари? Дека за оваа сликичка, некој плаќа волку пари?

Screenshot_1.jpg

А ова доле се реални „понуди“ на луѓе? Дека се наддаваат со цени по 100 илјади долари?

Screenshot_2.jpg

одговори Лајк

Чекај малце.

Имам слушнато за овие ејповиве и имаше доста вести за нив, али сега прв пат ги отварам.
Сакаш да ми кажеш дека ценава пример за ова долу, е 154 илјади долари? Дека за оваа сликичка, некој плаќа волку пари?

Погледнете го атачментот 115553

А ова доле се реални „понуди“ на луѓе? Дека се наддаваат со цени по 100 илјади долари?

Погледнете го атачментот 115555

Да. Плаќаат по 100К$. Додека креаторите на проектов станаа милјардери продавајќи магла и спроведувајќи нео нацистичка пропаганда со plausible deniability на сите dog whistles и наци референци, кои што се во смешно голем број и се екстремно очигледни за некој што истражил барем пола час на интернет, но се тотално невидливи за нормалниот човек кој истражил 0 минути или за игнорантен celebrity кој што е таму кај што дува ветерот.
Затоа е ова најголемата измама и трол спроведен пред очите на целиот свет, направени се милијарди врз основа на ништо. Нивните клиенти си ги третираат како мајмуни и како бескичмењаци, со директно плескање во фаца колку се глупи.

одговори 2 лајкови

Сме утнале брзините.

Од утре почињам НФТ-иња да правам. Ќе се измили нешто преку овие Аи-њава на Дале и Мидџурнеј :ROFLMAO:

Ем продавам ваздух, ем сум легит.

одговори 1 реакција

@coNNectMKD eдни од првите популарни NFTs односно дигитални сликички за кои се даваат многу пари се Crypto Punks a потоа се појавија и многу други, меѓукои и озогласените Bored Apes.
А ти касниш малку поќе, веќе секој Петко прави своја NFT колекција, на Upwork секој втор оглас е "need an NFT artist" така да освен ако немаш ептен добар маркетинг или ептен добар креативен проект тешко дека ќе успееш со нешто слично како мајмунов погоре.

Инаку има друга тема општо за NFT каде што треба да се префрлат мислењава, оваа е конкретно за овој проект, The Lokals.

одговори 1 реакција

Да. Плаќаат по 100К$. Додека креаторите на проектов станаа милјардери продавајќи магла и спроведувајќи нео нацистичка пропаганда со plausible deniability на сите dog whistles и наци референци, кои што се во смешно голем број и се екстремно очигледни за некој што истражил барем пола час на интернет, но се тотално невидливи за нормалниот човек кој истражил 0 минути или за игнорантен celebrity кој што е таму кај што дува ветерот.
Затоа е ова најголемата измама и трол спроведен пред очите на целиот свет, направени се милијарди врз основа на ништо. Нивните клиенти си ги третираат како мајмуни и како бескичмењаци, со директно плескање во фаца колку се глупи.

Не се што ке видите на интернет е точно, информирајте се убаво.

одговори Лајк

види цела содржина...

Не се што ке видите на интернет е точно, информирајте се убаво.

Ништо не пишува во артиклов, само тоа дека ги отфрлиле доказите и не се согласиле со обвинувањата, исто како што осуден виновен у судница вика дека не е виновен и не се согласува со пресудата, а има 10 сведоци и 15 докази за стореното дело.

одговори Лајк

види цела содржина...

@coNNectMKD eдни од првите популарни NFTs односно дигитални сликички за кои се даваат многу пари се Crypto Punks a потоа се појавија и многу други, меѓукои и озогласените Bored Apes.
А ти касниш малку поќе, веќе секој Петко прави своја NFT колекција, на Upwork секој втор оглас е "need an NFT artist" така да освен ако немаш ептен добар маркетинг или ептен добар креативен проект тешко дека ќе успееш со нешто слично како мајмунов погоре.

Инаку има друга тема општо за NFT каде што треба да се префрлат мислењава, оваа е конкретно за овој проект, The Lokals.

Не секој Петко.

Испратено од телефоно.

одговори 2 лајкови

Добивај известувања
Извести ме за
guest
9 Коментари
Најнови
Најстари Со највеќе гласови
Inline Feedbacks
View all comments