Популарниот портал iFixit успеја да дојде до новите очила за проширена реалност Magic Leap One. Секако ова за нас значи презентација од еден поинаков и поинтересен вид, а и дека ќе може да ѕирнеме внатре во уредот.
Вообичаено расклопувањето не е до најситните делови, но се чини дека сега направија исклучок и го расклопија ама баш до најситните елементи.
Секоја од леќите на Magic leap доаѓа со 4 инфрацрвени сензори кои ја следат положбата на окото. Овие сензори се заедно поврзани, и се управуваат од еден центар. Проекторот е изработен во 6 сегменти. Половина од овие (3) се користат за блиску, другата половина за далеку. Секој од светлинските брановоди пренесува една боја (RGB).
Што се однесува до остатокот нема изненадувања, и хардерот е Nvidia Tegra X2, 8GB RAM и 128 GB простор. Уредот има и единица за видео процесирање со 512 GB DDR4 RAM, забележа ArsTechnica.
Оценката за сервисирање на уредот е 3 од 10, иако се чини дека не се претерано строги. Најголем недостаток е неможноста за промена на батеријата без одлемување на матичната плоча и куп залепени делови. Дополнително, нема баш никаков начин за надградба. Ова можеби не е проблем за телефони кои се значително поевтини, но Magic Leap чини 2,300 долари.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
