После подолго чекање, презентации, видеа и инвестиции конечно излегува првата верзија на очилата за проширена реалност Magic Leap.
Заедно со продажбата излегоа и првите рецензии. За жал, она што може да го заклучиме е дека првите слики и видеа кои го објаснуваа концептот на работа на очилата се далеку од реалноста.
Here we go. Magic Leap One Creator Edition is now available to purchase. So if you’re a #developer, creator or explorer, join us as we venture deeper into the world of #spatialcomputing. Take the leap at https://t.co/8HbsM1yNQo #FreeYourMind pic.twitter.com/mpEqNFltlo
— Magic Leap (@magicleap) August 8, 2018
Првата верзија која е достапна во продажба е наречена „Magic Leap One Creator Edition“. Цената на уредот е 2 300, долари, но ова е само за основната верзија. За „Pro“ верзијата се потребни уште 500 долари.
Уредот доаѓа со Nvidia Parker процесор (Tegra 2); Nvidia Pascal графички процесор; 8GB RAM и 128 GB диск. Дополнително батеријата може да исдрижи 3 часа работа
Дел од медиумите веќе имаа и можност да го тестираат уредот.
„Уредот не пресметува релативно растојание, па затоа е невозможно некој да оди пред диносаурус, без разлика колку е блиску. Сè уште е фасцинантна, прекрасна илузија – можеби најдоброто што сум го видел во еден од овие уреди, и далеку покул од гледање AR модел преку екранот на iPhone.
Но, сепак не е револуција (или магија) што Magic Leap ја најавува со години. Секако е подобра верзија на нешто што сум се обидел порано, но има уште многу работа“, вели Verge.
Компанијата досега доби инвестиции од околу 2,3 милијарди долари, а дел од инвеститорите се Google и Alibaba.
Секако технологијата не е воопшто лоша, но разочарувањето доаѓа бидејќи ги видовме првите видеа во кои технологијата беше навистина магична.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Netcetera 
