Girls in Tech Macedonia 
Интернационалната организација за поддршка на ИТ девојките, која од неодамна има и огранок во Македонија, Girls in Tech, го најави новиот стартап натпревар Lady Pitch Night кој ќе се одржи во Париз. Повикани се сите девојки-основачи од цела Европа да аплицираат за шанса да го претстават својот стартап пред познати претприемачи и основачи. Може да аплицираат и стартапи кои имаат барем една жена во основачкиот тим. Аплицирањето е отворено до 31 јули 2015-та година.
Lady Pitch Night е најголемиот европски натпревар за стартапи основани од жени, кој се одржува веќе 5 години. Настанот, огранизиран од Girls in Tech Paris во партнерство со компанијата Orange, преку нивниот стартап акцелератор OrangeFab France, Raise и Criteo, има за цел да ја зголеми видливоста на жените-претприемачи и да охрабри диверзитет во ИТ индустријата. Во 2014 година над 200 стартапи од 22 држави се пријавија, а меѓу финалистите беа Gemmyo од Франција, Cortechs од Ирска, Fojo.me од Хрватска, Cocofarm од Бугарија и победникот EasySize од Данска, кој потоа освои второ места на реномираниот паришки ИТ настан, LeWeb.
Girls in Tech e организација која сака да ги мотивира девојките и жените да внесат своја креативност во доминантно-машката ИТ индустрија. Стартувана е во 2007-ма година и веќе е присутна во 50-тина земји ширум светот. Меѓу тие земји од неодамна е и Girls in Tech Macеdonia која започна со своите активности преку Local Ambassadors Hunt кампањата. Македонскиот тим за следниот период најавуви уште настани од глобалната програма на Girls in Tech.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Web Factory 
Netcetera 
