Според извештајот „Градење на дигитална економија“ филмската, музичката, софтверската и телевизиската индустрија генерирала 860 милијарди евра и вработила 14.4 милиони луѓе во 2008 година. Поради пиратеријата истите индустрии забележале 10 милиони евра загуба и имало над 180.000 отпуштања. Извештајот проектира дека ако продолжи ваквиот тренд на загуби тогаш во 2015 година ќе се забележат загуби од 240 милијарди долари и ќе се отпуштат 1.2 милиони луѓе.
Причината на претпоставката за зголемените загубите е тоа што „во блиска иднина па дури и денес во 2010 година имаме зголемување на бендвитот (интернет сообраќај) и зголемена пенетрација на интернетот“.
За про-пиратските активисти извештајот е лажен чија цел е да ги отвори вратите за построги закони против пиратеријата (пример, контроверзното исклучување од интернет).
„Извештајот цитира академска литература која сугерира дека пиратеријата води кон намалување на продажбата. Има анализи кои го покажуваат токму спротивното, а кои се внимателно избегнати во извештајот.“ пишува TorrentFreak.
За други пак проблемот со пиратеријата и загубите лежи во прифаќањето на интернетот како бизнис модел.
„Вистинската приказна е дека одредени компании кои одбиваат да се адаптираат и одбивааат да го прифатат тоа што корисниците го бараат и што технологијата го овозможува, тогаш модерната технологија ќе ги пропадне.“ пишува TechDirt.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Infinum 
Пиратеријата рулз! :)