Time.mk 
Најпопуларниот македонски агрегатор на вести, Time.mk, воведе опција да си ги персонализирате вестите кои што сакате да ги читате. Пример, ако ве интересира технологија, можете да ги изгасите сите останати непотребни политички вести и да читате само ИТ вести. Или пак, ако ве интересираат само вести за фудбал, ќе може да си го подесите Time.mk да ви ја отвара категоријата Спорт како почетна и да ви презентира вести за головите, трансфер шпекулациите и останатите новости за фудбалерите и тимовите.
Филтрирањето можеби повеќе функционира во теорија. Агрегаторот не ги филтрира целосно популарните содржини. Пример, ако наместите економија на вредност 1 и технологија на вредност 10, вие пак ќе наидете на економски вести, но тоа најверојатно се должи на бројот на вестите од посакуваните категории.
Друга персонализација е и да се избира според извор. Така политички определените ќе можат да си одберат Тime.mk да им прикажува само свои медиуми, додека тие што сакаат вистински вести ќе можат да ги изгасат политички обоените медиуми, и да си читаат нормални објективни вести.
Откако ќе го сетирате Time.mk според вашите преференци, се што треба да направите е да ги зачувате опциите. Но, не ги бришете веб колачињата т.е. веб историјата, бидејќи ќе треба да го сетирате агрегаторот повторно.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Прва лига. Штета што немаат ставено и персонализација според клучни зборови. Се надевам ќе додадат.