Популарниот веб стрип Cyanide & Happiness нема да биде телевизиско шоу бидејќи авторите не сакаат да ги предадат авторските права. Сепак има и добри вести за фановите, креаторiте на Cyanide and Happiness ќе се обратат до својата публикa и преку Kickstarter ќе побараат средства за реализација на своето шоу.
„Почнуваме да сфаќаме дека телевизиската индустрија не е вистинскиот избор за она што ние сакаме да го направиме со нашите анимации: дистрибуција до широка поблика, нешто што го правиме со нашите стрипови изминатите осум години. Тоа е природата на телевизијата против интернет претпоставувам.“, пишува авторот на Cyanide & Happiness, Крис Вилсон.
Ова е трета понуда која ја одбиваат авторите на стрипот, пред се поради несогласувања околу прашањата кој ќе ги има правата и контрола на содржините. Овој пат авторите не се откажуваат од идејата за телевисиско шоу, само што нивниот избор е шоуто да биде без телевизиски мрежи и регионални ограничувања.
„Можноста за нецензурирано и непроменето шоу и негово претставување директно на фановите е неверојатна можност. Навистина сме возбудени да видиме до каде ќе можеме да го однесеме овој проект.“
Најавата е дека Kickstarter проектот ќе биде најавен во следните неколку недели, а вестите кога ќе започнат Kickstarter донациите и кога ќе се соберат средствата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
