И на глобално ниво и во регионот на ЈИЕ, технолошката индустрија моментално плови низ турбулентните води и се соочува со забележителен пад на огласите за работни места поврзани со IT индустријата. Оваа промена, под влијание на триото: пост-КОВИД динамика, глобалните случувања и социоекономските фактори, поттикна преиспитување на трендовите на вработување, но и на отпорноста на пазарот.
Иако привлечноста на ИТ индустријата лежи во нејзините исклучителни придобивки, опциите за работа на далечина, флексибилноста и висок поттик за иновација, регионалната онлајн платформа за работа на IT – Joberty, направи уште еден чекор за обезбедување работни позиции за кандидати од целиот регион.
На почетокот на годината, платформата го воведе Jobster, што во основа е пренасочување кон српските индустриите кои не се IT. Имено, платформата ќе таргетира и ќе се залага за влијание на секторите како што се финансиите, маркетингот и здравството.
Дали е ова клучна или пак само миновна промена во еволуирачкиот ИТ пазар на труд во регионот? Во ова интервју, Joberty дава свој осврт на случувања, во обид да ги разбереме силите што ја обликуваат иднината на вработувањето во ИТ, не само во регионот на ЈИЕ туку и пошироко.
Што се крие зад идејата за Jobster и која е територијата што би сакале да ја опфатите?
Joberty: ИТ индустријата отсекогаш била лидер кога станува збор за бенефиции, работа на далечина, флексибилност и слично. Индустријата ги држи највисоките плати и ја поставува границата за сите други. И, што е најважно, таквото нешто допринесува до константна иновативност и тектонски промени за човештвото. Факт е дека не може секој да биде привилегиран и да работи во технолошка компанија.
Joberty го прошири списокот на кој може да се приклучат компаниите и кандидатите, а заради тоа, се чувствувавме одговорни и принудени да ја подобриме работната транспарентност и во другите индустрии. Преку Jobster добиваме можност да работиме на финансиите, маркетингот, здравството и многу други.
За почеток ќе го покриеме српскиот пазар, но имаме големи амбиции.
Забележавме пад на огласите за IT работни места во текот на изминатата година – според вас, кои се факторите кои придонесуваат за овој тренд?
Во периодот на СОВИД-19, имаше експанзија во IT индустријата како резултат на дигитализацијата на различни сектори. Во тоа време, на компаниите им беше удобно да имаат вишок програмери во нивната резерва за да бидат подготвени за нови проекти во секој момент.
Во периодот по КОВИД, потребата за одредени дигитални производи се намали (или се врати на претходните нивоа). Дополнително, поради глобалните настани како што се војните и другите социоекономски фактори, многу проекти беа прекинати, што директно влијаеше на напорите за оптимизација на трошоците и побарувачката за развивачи на софтвер.
Joberty е присутен на глобално ниво, но сепак е фокусиран на регионот на ЈИЕ – дали има конкретни сектори или улоги во ИТ кои забележале позначителен пад на огласите за работни места?
Информациите од нашата платформа укажуваат на значително зголемување на побарувачката за DevOps инженери, од компании кои играат клучна улога во создавањето брза, сигурна и безбедна испорака на софтвер. Дополнително, под влијание на развојот на вештачката интелигенција, побарувачката за улоги на Data Science продолжува со полна пареа. Забележавме и поголема побарувачка за Embedded и Python инженери.
Од друга страна, од перспектива на кандидатот, за ветераните можеме да потврдиме рамнотежа во понудата и побарувачката, со најголем број примени апликации за огласи за работни места во DevOps, додека за помладите, најпопуларните реклами се оние што бараат Java програмери.
Дали има одредени области или земји кои ви оставаат впечаток дека се поотпорни на овој тренд?
Колку што забележуваме, ИТ кризата е распространета насекаде, но точката од која започнала се разликува. Засега се чини дека Романија е најмалку погодена, но таа и го „држи“ најголемиот пазар во Југоисточна Европа.
Кои се вашите предвидувања за иднината на IT пазарот на труд во регионот на ЈИЕ?
Последиците од кризата се уште се чувствуваат. Во некои компании сè уште се случуваат отпуштања, додека други ги замрзнаа процесите на нови вработувања или значително ја намалија потребата за нив. Се чини дека кризата доведе до оптимизирање и имплементирање поефикасни процеси (што следствено бара помалку ресурси, вклучувајќи ги и вработените), но дефинитивно не го спречи растот на приходите генерирани од IT.
Засега, се чини дека компаниите ќе ја започнат годината повнимателно, но тоа не значи дека нема да има закрепнувањето на пазарот.
Она што го забележуваме е дека побарувачката за поискусни програмери останува константна, додека најголемата разлика се гледа во побарувачката за помалку искусните; потребата е помала од претходните години.
Дали предвидувате потенцијално враќање или дополнителен предизвик во наредниот период?
Од година во година, дигитализацијата достигнува нови нивоа, а овој тренд е придружен со зголемена побарувачка за експерти кои го овозможуваат сето тоа.
Сведоци сме на развојот на вештачката интелигенција и на фактот дека се повеќе работни места, што некогаш ги извршувале луѓето, се заменуваат со автоматизација, софтвер и роботика. Поради ова, најбарани професионалци се оние кои можат да креираат такви системи и да управуваат со нив за да го подобрат деловното работење.
Покрај вештачката интелигенција, која видно го привлече вниманието на јавноста минатата година и за која се верува дека ќе го промени текот на работата во многу сфери, има најави за понатамошна дигитализација во сите сектори, од здравството до земјоделството.
Друга област која добива посебен акцент е сајбер безбедноста – се смета како една од областите во која IT професионалците ќе имаат изобилни можности за работа. Со зголемениот број на сајбер напади и нивното потенцијално влијание, одржувањето на безбедноста на податоците за големите компании ќе биде приоритет. Тесно поврзана област е науката за податоци и ИТ, како таква, опфаќа различни сектори и индустрии кои вклучуваат собирање и анализа на големи количини на податоци.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Web Factory 
Softelligence 
