Howitzer 
Добар дел од денес успешните стартапи и компании започнале со решавање на некој недостаток во постоечките индустрии. Uber го направи ова за такси превозот, Airbnb со изнајмувањето станови, а македонскиот стартап Howitzer, кој во декември, 2022-ра го прогласивме за .мк стартап на месецот по нивната инвестиција од 500.000 US, ќе се обиде да надмине проблем кој агенциите го имаат со outreach на друштвените мрежи. Стартапот стана препознатлив со Howitzer for Reddit, а сега имаат нов производ – HeyReach. HeyReach е логично продолжение на она што Howitzer го започна со „Howitzer for Reddit“, вели Никола Велковски, ко-основач на Howitzer.
Howitzer е македонски стартап основан од Никола Велковски, Стефан Котевски и Томислав Јуруковски. Во ноември стартапот доби 500 000 долари pre-seed инвестиција за „Howitzer for Reddit“ – маркетинг алатка наменета за претприемачи, стартапи и growth хакери. Алатката ја креираа како студенти и до денес е една од ретките алатки за генерирање лидови за Reddit.
HeyReach е агенциско решение за почетна комуникација со потенцијални клиенти на LinkedIn. Веќе има постоечки решенија кои овозможуваат outreach на LinkedIn. Сепак за најчестиот начин на кој работат агенциите ниту една од алатките не е соодветна.
Она што ќе го овозможи HeyReach, е неограничено скалирање на целиот LinkedIn outreach, преку користење на мулти-акаунт принципот. Мулти-акаунт принципот, претставува конектирање на неограничен број на LinkedIn профили кои работат синхронизирано на една кампања, и започнување на неограничен број на search и outreach кампањи во исто време. За агенциите кои се потенцијално најзаинтересирани корисници на HeyReach алатката ќе овозможи креирање на повеќе кампањи истовремено. Кампањите може да скалираат без ограничувања и без лимит од LinkedIn.
Минатите две недели HeyReach ја имаше својата затворена бета. Во тестовите учествуваа 97 корисници, креирани се 54 активни кампањи, а „собрани“ се податоци за над 360 000 LinkedIn-корисници.
Откако валидиравме дека „platform outreach“ работи, логично беше да се фокусираме на најголемата В2В мрежа во светот – LinkedIn. Дополнително наидовме на огромен пропуст на пазарот. Има стотици алатки за LinkedIn outreach, од нив можеби десетина работат многу добро за single seat корисници, меѓутоа ниту една од нив не е фокусирана на маркетинг / sales / HR агенции, и ниту една не овозможува синхронизиран outreach од повеќе профили на кампања – буквално начинот на кој работат агенциите.
Поради овој недостаток на пазарот, многу од агенциите работат рачно со SDRs и VАs и имаат огромни трошоци поради ова. HeyReach го решава овој проблем и е позициониран стриктно кон агенциите.
Дополнително за разлика од Reddit outreach пазарот, кој реално ние го креиравме со Howitzer for Reddit, и досега никој не успеа да го автоматизира до тој степен, LinkedIn outreach пазарот е постоечки и огромен, па е многу полесно да се навлезе. Десетици милиони агенции го користат LinkedIn како leadgen и outreach канал. Станува збор за demand capture (за LinkedIn), наместо demand generation (за Reddit). Не велам дека Reddit не е доволно добар пазар, но многу полесно се продава во веќе етаблиран пазар. Особено кога постои ваков недостаток кој не е решен до сега.
Howitzer е фокусиран на иновација и outreach. Не е важно која друштвена мрежа е следна за автоматизација, целта е иста – поевтин и поефикасен начин да дојдете до „leads“.
За разлика од Howitzer for Reddit каде речиси и да немаа конкуренција, LinkedIn е поголема и како што и самите велат, веќе етаблирана платформа за leadgen и outreach. Ова секако значи дека има повеќе заинтересирани корисници, но и има и многу поголема конкуренција. Решавањето на најголемиот проблем на агенциите, без сомневање ќе биде огромен ветер во грб на HeyReach.
Сите кои го користат Howitzer for Reddit не треба да стравуваат дека стартапот се откажува од оваа алатка. Веројатно во иднина со интеграција на алатката во HeyReach, ќе биде и дури покорисна.
Howitzer for Reddit продолжува да функционира како leadgen tool за Reddit, под Howitzer. Howitzer.co е компанија која креира маркетинг алатки за стартапи и агенции. Идејата е Howitzer for Reddit во иднина да се интегрира како дел од HeyReach во склоп со други друштвени мрежи.
За сите кои се заинтересирани за тестови во следните 7 дена HeyReach има понуда за бесплатен тест период во траење од 30 дена, и доживотен попуст за првите корисници.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Startup Macedonia 
