Најновиот хит-телефон на Samsung, Galaxy S4, ќе се појави на 15-ти април, вели SamMobile кој е доста кредибилен кога се работи за вакви неофицијални информации.
Гледајќи ја популарноста на претходникот Galaxy S3, кој според многу медиуми е најдобриот телефон моментално на пазарот, може да очекуваме да се дигне исто толкава прашина и околу Galaxy S4. Интернетот вели дека S4 ќе работи на Exynos 5 Octa клокиран 1,8 GHz процесор со 8-јадра, ќе има 5-инчен 440ppi дисплеј кој ќе може да пушта и full HD видео, 2 GB RAM, 13 мегапиксели камера со 1080p HD, 2 мегапиксели предна камера, безжично полнење, ќе нема физичко копче и ќе работи на Android Jelly Bean 4.2.1.
Kако што може да се види, телефонот ќе биде неверојатно брз и моќен, но во моментов тоа се само претпоставки (можеби се само и желби), па ќе треба да почекаме до април за официјалните спецификации. Во меѓувреме, Samsung во февруари ќе претстави и нов таблет компјутер.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
