Дали знаевте дека само 7 отсто од кандидатите за градоначалници се жени? А дека 3/4 од жените се плашат да се движат сами на места каде што има малку луѓе?
За да се подигне свеста за дискриминација на жените во сите области во Македонија, невладината организација Реактор по повод меѓународниот ден на жените, 8-ми март, стартува нов сајт Родов Реактор преку кој ќе се дистрибуираат истражувања, графикони и податоци за родовите разлики во општеството. Родов Реактор е поддржан од Open Society Foundations и од проектот на USAID за Граѓанско општество.
„Се надеваме дека преку обезбедување на лесно достапни, интерактивни и визуелизирани податоци ќе помогнеме кон информирана дискусија за положбата на жената во македонското општество, но и дека ќе поттикнеме активности за промоција на родовата еднаквост. Со оглед на тоа што сајтот нуди разноврсни содржини во различни формати, сметаме дека не само што ќе им биде од корист на оние кои се занимаваат со оваа проблематика, туку и ќе ги заинтересира или во најмала рака ќе ги замисли и случајните посетители“, велат од Реактор.
[youtube]wmvXqoWRAHI[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
