Порталот за хумор и сатира, Funny or Die го објави своето најдолго видео. Се работи за iSteve, сатиричниот филм за основачот на Apple, Стив Џобс, кој почина во октомври 2011-та година. Филмот е полесна и комична верзија на биографијата на култниот основач. Сценариото е напишано за три дена со мало истражување на Wikipedia.
„Во вистински интернет стил, овој филм не е базиран на некое си истражување, туку е напишан според брз поглед на тоа што Wikipedia вели за Стив Џобс. Смешен филм е, но е за целиот негов живот.“, вели Рајан Перез, сценарист и режисер на iSteve.
Во сатиричната комедија на Funny or Die, улогата на Стив Џобс ja игра Џастин Лонг, истиот глумец кој ги претставува корисниците на Аpple во рекламите за Mac vs PC. Ko-основачот Стив Возниак го глуми Џорж Гарција кој е попознат по својата улога во популарната телевизиска серија Lost. Ова е првиот филм за г. Џобс од неколкуте најавени. Најмногу очекувања му се посветени на малку посериознaтa биографија јOBS во која Ештон Качер го глуми култниот иноватор. Оваа верзија ќе ја има својата премиера наредниве викенди.
iSteve може да го погледнете на сајтот на Funny or Die.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
