Во саботата во Велестово (селото Велестово е одалечено 4 до 5 км од Охрид) официјално започна второто издание на летниот камп за претприемачи и стартапи StartQube, кој ќе трае една недела.
Во текот на настанот, 15 учесници, 4 ментори и организатори живеат заедно и споделуваат идеи и искуства за градење бизниси и процесот на развивање од идеја до бизнис. Во текот на кампот преку 14 работилници кои ја сочинуваат уникатната програма на StartQube се покрива развивањето на една идеја до самоодржлив бизнис.
Летниот камп е организиран од Здружението за развој СТАРТАП ЗОНА, кое се фоксуира на овозможување на различна поддршка за младите кои имаат желба да започнат свој бизнис. Менторите на StartQube се истакнати професионалци со повеќегодишно искуство во развивањето на стартапи и градењето на одржливи бизниси. Оваа година ментори на настанот се Tracy Sparks (USA), Matthias E.Zeitler (Austria), Celik Nimani (Kosovo) и Armin Konjalic (Bosnia & Herzegovina).
Image Courtesy of Startqube Facebook
Image Courtesy of Startqube FacebookСпоред организаторите „StartQube претставува една прекрасна платформа за претприемачи во рана фаза, за интензивно учење, структурирано вмрежување и инстантна соработка во текот на неколку дена во планините над Охрид.”
StartQube завршува во четврток на 25ти август со презентации на секој учесник.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
