Иако претседателот на Македонија, Ѓорѓе Иванов, е присутен на Twitter неговиот профил не е активен од 2009 година. Премиерот Никола Груевски е најактивен актуелен функционер со 3.784 твитови, 4.649 следбеници и речиси 3 твита во денот. Но, неговите твитови се RSS пораки кои се претходно споделени на Facebook, па често место твит добивате линк до Facebook профилот. Владата на Република Македонија е нешто поактивна со 8.186 твитови и 4,5 твита во денот, но и помалку следбници 3.070. Но, и преку профилот на Владата се споделува само RSS фидот од вестите на сајтот, нема никаква интеракција ниту @oдговори кон корисниците.

„За многу долго време најпопуларниот твит на Никола Груевски беше „Благодарам до моите 60.000 фанови!“ што најверојатно значеше неговите Facebook фанови, а не неговите 3.000 Twitter следбеници“, пишува Twitplomacy. „Но во 2014-та најпопуларен беше „Христос Воскресе“ кој беше ретвитнат 11 пати“.

За жал се чини дека македонската политичка елита не е дорасната на можностите кои ги нуди Twitter, но и останатите друштвени мрежи. Наместо размена на мислење со граѓаните, најчесто профилите наликуваат на огласна табла каде се споделуваат пропагандни и рекламни материјали, на кои реагираат само партиските следбеници кои наместо да комуницираат со лидерите, едноставно им даваат нерационален поттик.

Еве ги најпопуларните твитови на македонските политичари според Twiplomacy.