Lenovo ја претстави новата линија на ThinkPad лаптопи, или „ултрабукови“, кои работат на новата, 3-та генерација на Intel-овиIvy Bridge процесори, имаат USB 3.0 и нова Lenovo ThinkPad Precision тастатури.
Од новата линија на лаптопи, можеби најинтересен е Lenovo ThinkPad X1 Carbon, 14-инчен лаптоп од карбонфајбер кој тежи само 1,36 килограми и е тенок само 18 милиметри. Според кинеската компанија, X1 Carbon е „најтенкиот 14-инчен лаптоп во светот“.
Но, дали може тенок и лесен лаптоп да биде доволно моќен? Одговорот е во новите Ivy Bridge процесори на Intel. X1 Carbon ќе работи на овој нов процесор, ќе поддржува 1600 x 900 резолуција, што е поголема од претходниот X1, од, најверојатно, интегрирана графичка картичка и ќе има USB 3.0 портови, порт за слушалки и SD картичка, со поддршка за 3G мрежа.
Дополнително, Lenovo претстави и Rapid Charge технологија за која вели дека ќе полни до 80 отсто од батеријата за само 30 минути! Звучи неверојатно, но ова би требало да ги смири критичарите на претходниот X1 чија батерија траеше само 2 часа.
Lenovo ThinkPad X1 Carbon ќе се појави летово, но сè уште не му се знае цената.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Goleminata na ekranot e 13.3'' a ne 14''.